Cyclone Giri

မုန္းတိုက္တစ္ခု ၀င္ဖို႔႐ွိတယ္လို႔ ၂၂ ရက္ေန႔မနက္ကၾကားပါတယ္။ ဘဂၤလားပင္လယ္ေအာ္မွာ လိေမၼာ္ေရာင္ အဆင့္မုန္တိုင္းတစ္ခု ႐ွိတယ္ဆိုတာကေတာ့ ၾကားတာၾကာပါၿပီ။ ဘယ္ဖက္သြားမလဲေစာင့္ၾကည့္ရင္းက ကိုယ္ဖက္၀င္လာပါတယ္။ မုန္တိုင္းဆုိရင္ နာဂစ္ၿပီးကတည္းက ေၾကာက္တတ္ပါၿပီ။ နာဂစ္မတိုင္ခင္က အၾကားပဲ႐ွိတာ နာဂစ္ကေတာ့ ကိုယ္ေတြ႕ႀကံဳခဲ့ရလို႔ပါ။ တကယ္ဆို ကၽြန္ေတာ္က မေကြးေရာက္ေနတာပဲ။ နာဂစ္လြတ္ရမွာပါ။ ေက်ာင္းကိစၥနဲ႔ ရန္ကုန္ေရာက္ေနလို႔ပါ။ 

အခုလည္း Giri တဲ့။ သတင္းေတြေစာင့္နားေထာင္ပါတယ္။ ကၽြန္ေတာ္တို႔ဆီမွာ ပုဂံ FM မိေတာ့ အဲဒါကိုဖြင့္ၿပီး မုန္တိုင္းသတင္းနားေထာင္ပါတယ္။ FM ၿပီးသြားခ်ိန္မွာ MRTV ကေနေစာင့္ၾကည့္ပါတယ္။ ေက်ာက္ျဖဴနားကေန ၀င္လာတာသိရပါတယ္။ အေ႐ွ႕ေျမာက္ဖက္ကို ဆက္လက္ဦးတည္တယ္လို႔ သိရပါတယ္။ ေျမပံုေပၚေထာက္ၾကည့္ဖို႔ ေျမပံု႐ွာတာမေတြ႔လို႔ စိတ္မွန္းနဲ႔ပဲ မွန္းၾကည့္ပါတယ္။ ထူးျခားတာက ရခိုင္ကိုျဖတ္ၿပီးတာေတာင္ အ႐ွိန္က မေရာ႔ေသးတာပါ။ CODE Brown လို႔ေၾကျငာပါတယ္။ ရခိုင္ကိုစျဖတ္ေတာ့ CODE Red နဲ႔တူပါတယ္။ မိုးေလ၀သကေၾကျငာတဲ့အထဲမွာ မေကြးကပါေနေတာ့ အေမကဖုန္းလွမ္းဆက္ပါတယ္။ မုန္တိုင္းက်လာရင္ ဘာလုပ္မယ္ ႀကိဳျပင္ထားပါတဲ့။ တျခားၿမိဳ႕က သူငယ္ခ်င္းေတြကလည္း လွမ္းဆက္ၾကပါတယ္။ ကၽြန္ေတာ္ေနတဲ့ေနရာက ျမစ္ေခ်ာင္းနဲ႔ေ၀းေတာ့ ေရတက္မွာသိပ္မစိုးရိမ္ရပါဘူး။ ေနတဲ့အေဆာက္အအံုက ေဆာက္ထားတာၾကာပါၿပီ။ ေလျပင္းျပင္းတိုက္ရင္ အမိုးလန္သြားႏုိင္ပါတယ္။ ေနာက္ အေဆာင္တစ္ေဆာင္နဲ႔ တစ္ေဆာင္ၾကားမွာ ယင္းမာပင္ေတြ အတန္းလိုက္ စိုက္ထားတာ႐ွိပါတယ္။ ဘယ္ပညာ႐ွိက စိုက္ခဲ့သလဲမသိပါ။ ယင္းမာက ေႏြရာသီ အရိပ္လိုတဲ့အခ်ိန္မွာ ႐ိုးတံၿပိဳင္းၿပိဳင္းနဲ႔ပါ။ ေဆာင္းရာသီ ေနေရာင္လိုခ်ိန္မွာ အ႐ြက္ေတြေဝလို႔။ တစ္ႏွစ္ပတ္လံုး သိပ္သံုးလို႔မရတဲ့အပင္ပါ။ အဲဒီအပင္ေတြ ေလျပင္းရင္လဲႏိုင္ပါတယ္။ ဘယ္အပင္က ဘယ္ဖက္လဲႏိုင္တယ္ ႀကိဳတြက္ထားပါတယ္။ လုပ္ႏိုင္သေလာက္ လုပ္ထားတဲ့သေဘာပါ။ လဲခါမွ ဘယ္ဖက္လဲလဲေပါ့။ 

၂၂ ရက္ေန႔ည ၁၀ နာရီေလာက္ကစၿပီး ေလတျဖဴးျဖဴးလာပါတယ္။ ေကာင္းကင္ကလင္းေနပါတယ္။ ည ၂ နာရီေက်ာ္ေလာက္မွာ ေလနည္းနည္း ျပင္းလာပါတယ္။ ဒါေပမယ့္ သိသာပါတယ္။ အဖ်ားခတ္တာ ဆိုတာပါ။ ၂၃ ရက္ေန႔ မနက္မွာေတာ့ ေလ မ႐ွိေတာ့ပါဘူး။ မိုးေတာ့ တေဖ်ာက္ေဖ်ာက္႐ြာတုန္းပါ။ မ်ားေတာ့ မမ်ားပါဘူး။ ေန႔လည္ ၂ နာရီေလာက္ မိုးမ႐ြာတဲ့အခ်ိန္ အိမ္ကေက်ာင္းအမနဲ႔ သမီးက ၿမိဳ႕ပတ္ၾကည့္ခ်င္တယ္ ဆိုတာနဲ႔ ဆိုင္ကယ္နဲ႔ထြက္ၿပီး ပတ္ၾကည့္ပါတယ္။ မုန္တိုင္းနဲ႔ပတ္သက္ၿပီး မေကြးအေနနဲ႔ေျပာရမယ္ဆိုရင္ အပ်က္အစီးႀကီးႀကီးမားမား မ႐ွိပါ။ သစ္ပင္ေတြေတာ့ လဲပါတယ္။ ေက်ာင္းဝင္းထဲလဲတာကို ၅ ပင္ေလာက္႐ွိပါတယ္။ ေနာက္စံုစမ္းၾကည့္ေတာ့ ဧရာဝတီဟိုဖက္ျခမ္း ပြင့္ျဖဴဖက္က ျဖတ္တယ္လို႔ၾကားပါတယ္။ အတိအက်ေတာ့ မဟုတ္ပါဘူး။ ဘယ္ကမွလည္း သတင္းကို အခ်ိန္နဲ႔ တေျပးညီထုတ္ျပန္ႏိုင္တာ မေတြ႕ပါဘူး။ ၂၃ ရက္ေန႔ညေန ၄ နာရီေလာက္က်ေတာ့ မံု႐ြာဖက္မွာလို႔ သိရပါတယ္။ မံု႐ြာကသူငယ္ခ်င္ေတြဆီ ဖုန္းဆက္ေတာ့ သူတို႔လည္း အဖ်ားခတ္တာေလာက္ ခံရတယ္လို႔ သိရပါတယ္။ သစ္ပင္လဲတာ အနည္းငယ္႐ွိတယ္ဆိုပါတယ္။ ဒီလိုဆို မုန္တိုင္းက ခ်င္းတြင္းျမစ္ အေနာက္ဖက္ကမ္းက သြားတယ္လို႔ယူဆရပါတယ္။ 

၂၃ ည သတင္းေတြမွာေတာ့ CODE Green လို႔ဆိုတာေတြ႔ပါတယ္။ ေနာက္ အားေပ်ာ့ေပ်ာက္ကြယ္သြားၿပီ လို႔ ေတြ႔မွ ဟင္း ခ်ႏိုင္ပါတယ္။ ဒီမုန္တိုင္းက အေဝးႀကီးေရာက္ေအာင္ သြားခဲ့တဲ့မုန္တိုင္းပါ။ ကၽြန္ေတာ့္သက္တမ္းတေလ်ာက္ ဒီေလာက္ေရာက္ေအာင္ သြားခဲ့တဲ့ မုန္တိုင္းမသိခဲ့ဖူးပါ။ ကုန္းတြင္းပိုင္းကို အေဝးႀကီးေရာက္ေအာင္ သြားခဲ့တာပါ။ မုန္တိုင္းၿပီးသြားေပမယ့္ ေနာက္ဆက္တဲြ လုပ္ရမွာေတြက အမ်ားႀကီးပါ။ မုန္တိုင္းသင့္ ျပည္သူေတြအတြက္ စားဝတ္ေနေရး က်န္းမာေရး တတ္ႏိုင္သေလာက္ အားလံုးဝိုင္းလုပ္ၾကရမွာပါ။

ေ႐ြးေကာက္ပဲြကလည္း နီးၿပီေလ။ အရင္တစ္ခါ ဆႏၵခံယူပဲြနားတုန္းက နာဂစ္ဝင္လာတယ္။ အခုတစ္ခါ ဂီရိတဲ့။ ၁၉၉၀ ေ႐ြးေကာက္ပဲြတုန္းက ဘာမုန္တိုင္းမွ မဝင္ဘူးနဲ႔တူတယ္။    

Post တင္လို႔ အဆင္မေျပပါ။ ေခါင္းစဥ္ပဲ ေရးလို႔ရပါတယ္။

Post တင္လို႔ေတာ့ ရသြားပါၿပီ။ မူလအေျခအေနေတာ့ ျပန္မေရာက္ေသးပါ။ ပံုတင္လို႔ အဆင္မေျပေသးပါ။ Connection ေၾကာင့္မဟုတ္ပါ။ Connection က အထိုက္အေလ်ာက္ သံုးလို႔ ရေနပါတယ္။ ၿပီးခဲ့တဲ့ တစ္ပတ္လံုးေတာ့ Connection မေကာင္းပါ။

ရသြားပါၿပီ။ ကၽြန္ေတာ္က post editor ကို update မွာထားတာပါ။ အရင္ကအဲဒါအဆင္ေျပပါတယ္။ အခု old editor ထားမွ ရပါတယ္။

Nobel Prize and Mathematics

Alfred Nobel က နှစ်စဉ် ပညာဆု ၅ ဆုကို တစ်ကမ္ဘာလုံးမှ အထူးချွန်ဆုံးသော ပုဂ္ဂိုလ်များအား ရွေးချယ်ပြီး ဆုချီးမြှင့်ရန် သေတမ်းစာတွင်မှာခဲ့ပြီး ဒေါ်လာ ၉ သန်း (၁၈၉၀ပြည့်လွန်နှစ်များကဖြစ်ပါသည်) ချန်ထားခဲ့ပါသည်။ ဆုပေးရန် သိပ္ပံနယ် ၃ ခု

(၁) Physics
(၂) Chemistry
(၃) Physiology or Medicine
နှင့် အခြားနယ်မှ ၂ ခု
(၄) Literature
(၅) Peace စသည်ဖြင့် သတ်မှတ်ပေးခဲ့ပါသည်။

ယခုအခါ Nobel ဆု ၆ ဆုပေးသည်ဟု မှတ်ယူနေကြပါသည်။ နောက်တိုးတစ်ဆုမှာ Nobel ၏ သေတမ်းစာတွင်မပါဘဲ Nobel အမှတ်တရအနေနှင့် Central Bank of Sweden ကချီးမြှင့်သော Economic Science နယ်ပယ်က ဖြစ်ပါသည်။ ဆုအမည် အပြည့်အစုံမှာ Severiges Riksbank Prize in Economic Science in Memory of Alfred Nobel ဖြစ်ပါသည်။ ၁၉၆၉ တွင် စတင်ချီးမြှင့်သည်ဟု သိရပါသည်။

Mathematics ကိုဘာကြောင့် ထည့်မစဉ်းစားခဲ့သနည်း။ Nobel အနေဖြင့် သင်္ချာထူးချွန်သူများကို အဘယ်ကြောင့် Nobel ဆု မပေးချင်သနည်း နှင့်ပတ်သက်ပြီး တင်မြင်ချက် အမျိုးမျိုးရှိပါသည်။ တိုထင်မြင်ချက်များထဲက အနည်းငယ်ကို ထုတ်နှုတ်ပြရမည်ဆိုလျှင်

၁၉၈၆ ခုနှစ် Springer-Verlag ကထုတ်သော International Mathematical Congresses, An Illustrated History (1893-1986) စာအုပ်၊ စာမျက်မှာ၃၉ တွင်ဖော်ပြထားချက်မှာ

Nobel Prizes & Mathematics

The widely circulated explanation of why there are no Nobel Prizes in mathematics is that Alfred Nobel wanted to make sure that the mathematician Mittag-Leffler would never be awarded a Nobel Prize.

လို့ ဖော်ပြထားပါတယ်။

အဲဒီမှာပါတဲ့ Mittag-Leffler ဆိုသူကတော့ ဆွီဒင်သင်္ချာပညာရှင် Gosta Mittag-Leffler ဖြစ်ပါတယ်။

နောက်ယူဆချက်တစ်ခုကတော့ ဝီကီကဖြစ်ပါတယ်။ ဝီကီက ဒီလိုဆိုပါတယ်။

(http://en.wikipedia.org/wiki/G%C3%B6sta_Mittag-Leffler)


A legend that Alfred Nobel did not set up a prize in Mathematics because of a thwarted affair with Signe Lindfors is not supported by historical evidence.


Signe Lindfors က Gosta Mittag-Leffler ရဲ့ဇနီးပါ။

The Nobel Peace Prize 2010

 Photo from (http://en.wikipedia.org/wiki/Nobel_Peace_Prize)

Photo from (http://www.theprovince.com/news/world/Jailed+Chinese+dissident+wins+Nobel+Peace+Prize/3642953/story.html)

၂၀၁၀ ခုႏွစ္အတြက္ ၿငိမ္းခ်မ္းေရးႏိုဘယ္လ္ဆုကို တ႐ုတ္ႏိုင္ငံမွ Mr. Liu Xiaobo ကရ႐ွိသြားတယ္လို႔ သိရပါတယ္။

မနက္ေစာေစာ

မနက္ေစာေစာလို႔ ေရးသာေရးလိုက္ရတယ္။ အခ်ိန္က ၈ နာရီေလာက္႐ွိေနၿပီ။ ကိုယ္က ၁၀ နာရီေလာက္မွ ထတာဆိုေတာ့ ၈ နာရီကေစာေစာပဲေပါ့။ ညကမိုးေတာ္ေတာ္႐ြာပါတယ္။ မေန႔ညကလည္း ႐ြာတယ္။ မီးပ်က္သြားေတာ့ ေစာေစာအိပ္ရာ၀င္ခဲ့တာေပါ့။ မနက္အမ်ိဳးသမီးက ေစ်းသြားမယ္ဆိုလို႔ လိုက္ပို႔ပါတယ္။ ကန္သာေစ်းကိုပါ။ ပံုမွန္သြားရင္ ေတာင္တြင္းလမ္းက သြားေနက်ပါ။ ဒီေန႔ေတာ့ ဂ်ာနယ္၀ယ္ခ်င္တာနဲ႔ အ၀ိုင္းဖက္က သြားပါတယ္။ အ၀ိုင္းနားမွာ သစ္ပင္တစ္ပင္ အျမစ္ကကၽြတ္လဲေနတာေတြ႕ပါတယ္။ ထေနာင္းပင္လို႔ထင္ပါတယ္။ ဓါတ္ပံု႐ိုက္ခ်င္လိုက္တာ။ ကင္မရာကလည္းမပါခဲ့။ ဒါနဲ႔ပဲ အမ်ိဳးသမီးကိုေစ်းပို႔။ အိမ္ျပန္ကင္မရာယူၿပီး ႐ိုက္ထားတာပါ။

ကၽြန္ေတာ္တို႔ေစ်းသြားတဲ့အခ်ိန္တုန္းကေတာ့ လမ္းေပၚမွာ ပိတ္ေနပါတယ္။ တာ၀န္႐ွိတဲ့သူေတြ စ႐ွင္းေနတာေတြ႕ခဲ့ရပါတယ္။

ေစ်းကျပန္လာေတာ့ ၉ နာရီခဲြေလာက္႐ွိၿပီထင္ပါတယ္။ လမ္းတစ္ဖက္ပြင့္ေနပါၿပီ။

ဘယ္နားမွာလဲဆိုေတာ့ ကၽြန္ေတာ္တို႔ေက်ာင္းနားေလးမွာ လမ္းငါးသြယ္ဆိုတဲ့ အ၀ိုင္း႐ွိပါတယ္။ အ၀ိုင္းနားမွာ သာလွဆိုတဲ့ဆိုင္ ၂ ဆိုင္႐ွိပါတယ္။ တစ္ဆိုင္က စားေသာက္ကုန္ေရာင္းတဲ့ စတိုးဆိုင္၊ တစ္ဆိုင္ကေတာ့ အ၀တ္အစားေရာင္းတဲ့ဆိုင္ပါ။ အ၀တ္အစားေရာင္းတဲ့ သာလွဆိုင္ေ႐ွ႕ေလာက္မွာပါ။