ကျေးဇူးတင်လွှာ

မကွေးတက္ကသိုလ် လူ့စွမ်းအားအရင်းအမြစ်ဖွင့်ဖြိုးမှုဌာနမှ ကြီးမှူးဖွင့်လှစ်သော ကွန်ပျူတာသင်တန်း နဲ့ အင်္ဂလိပ်စာသင်တန်းဆင်းပွဲကို ၉-၉-၂၀၁၁ တွင်ကျင်းပပြုလုပ်ခဲ့ပါတယ်။ သင်တန်းကတော့ အောင်အောင် မြင်မြင် ပြီးသွားခဲ့ပါပြီ။ သင်တန်းကာလအတွင်း ကျွန်တော်တို့ကြုံခဲ့ရတဲ့ အခက်အခဲလေးတခုအကြောင်း ရေးမှာပါဗျာ။

ကျွန်တော်တို့ ကွန်ပျူတာသင်တန်းမှာ Internet & Email ဆိုတဲ့ခေါင်းစဉ်နဲ့ အင်တာနက် website တွေ ဘယ်လိုရှာဖွေကြည့်ရမယ်၊ email ဘယ်လိုပို့မယ် ဘယ်လိုလက်ခံမယ်၊ gtalk ဘယ်လိုသုံးတယ် ဆိုတာတွေကို သင်တဲ့သင်ခန်းစာ ပါပါတယ်။ တခြားသင်ခန်းစာတွေဖြစ်တဲ့ OS တို့ Office တို့သင်ရာမှာ ဘာပြဿနာမှ မပေါ်ပေမယ့် အဲဒီ email အကြောင်းသင်ရာမှာ ပြဿနာတက်ပါတယ်။

မနှစ်ကအခုလို emil အကြောင်းသင်စဉ်မှာ သင်တန်းသားတွေအတွက် သူတို့နာမည်နဲ့ email account တခုစီဖွင့်ပေးပြီး သင်ခဲ့တာပါ။ သင်တန်းသားတွေကို အဲဒီအကောင့်တွေ ပေးနိုင်ခဲ့ပါတယ်။ အခုနှစ်ပိုင်းမှာ gmail အကောင့်ဖွင့်ရာမှာ မရတော့ဘဲ ပြဿနာတစ်ခုစတက်ပါတယ်။ ကျွန်တော်တို့ဖက်က Query တွေပါလာတယ်။ အဲဒါက User တွေရဲ့ Privacy ကိုထိခိုက်စေတယ်ဆိုတဲ့ အကြောင်းပြန်ချက်နဲ့အတူ အကောင့်အသစ်ဖွင့်လို့ မရပါဘူး။ အောက်မှာပြထားတဲ့ပုံထဲက အတိုင်းပါပဲ။

အဲဒီလိုဖြစ်နေတာနဲ့ ကျွန်တော်တို့ ဒီကြားထဲ အကောင့်အသစ်ဖွင့်လို့ မရခဲ့ပါဘူး။ အခုနောက်ပိုင်းမှာတော့ အဲဒီလို မတွေ့တော့ပြန်ဘဲ၊ Activate လုပ်ဖို့ ဖုန်းနံပါတ်တောင်းတာတွေ့ရပါတယ်။ ကျွန်တော်တို့ နိုင်ငံက ဖုန်းနဲ့ Activate လုပ်နိုင်တဲ့ စာရင်းထဲမှာ မပါတော့ ဘယ်လိုမှ အကောင့်အသစ် မဖွင့်နိုင်ခဲ့ပါဘူး။ သင်တန်းသားတွေကိုလည်း ကျွန်တော်တို့သင်ပေးချင်တယ်။ အကောင့်ကလည်း ဖွင့်မရတော့ ဘယ်လိုလုပ်မလဲ စဉ်းစားရပါတယ်။ ဒီနေရာမှာပြောစရာတခုရှိပါတယ်။ mail တွေက အများကြီးရှိတာပဲ။ gmail မရတော့ Yahoo က ymail ၊ Microsoft က hotmail အဲတာတွေနဲ့သင်ပေါ့လို့ပါ။ mail တွေအများကြီးရှိတာ မှန်ပါတယ်။ သင်လို့လည်းရပါတယ်။ အခုအပြင်မှာ gtalk နဲ့ပဲ talk နေကြတာလေ။ သူတို့ကလည်း gtalk နဲ့ Chatting လုပ်တာသင်ချင်ကြပါတယ်။

အဲဒီလိုဖြစ်နေချိန်မှာတော့ ကျွန်တော်က နိုင်ငံခြားရောက်နေတဲ့ မိတ်ဆွေတွေကို မျက်စိထဲပြေးမြင်ပါတယ်။ သူတို့ကို ကူကြပါဦးလို့ အပူကပ်ရပါတယ်။ သင်တန်းသားတွေနာမည်နဲ့ မဟုတ်ဘဲ နောင်လည်း သင်တန်းအတွက် ရေရှည်သုံးရအောင် chrd001.mgu@gmail.com ဆိုပြီး အကောင့်တွေ ဖွင့်ခိုင်းရပါတယ်။ ကျွန်တော်တို့သင်တန်းက သင်တန်းဆရာတွေဖြစ်တဲ့ ဦးခိုင်ဝါထန် က India ကမိတ်ဆွေဆီ၊ ဦးလှကျော်မင်းက Russia ကမိတ်ဆွေတွေဆီ ၊ ကျွန်တော်က London က မိတ်ဆွေဆီလှမ်း အကူအညီ တောင်းပါတယ်။ သူတို့တွေလည်း သူတို့တတ်နိုင်သလောက် ဝိုင်းကူကြပါတယ်။ အဲဒီကအကောင့်လေးတွေ ရှယ်ယာလုပ်သုံးကြရင်း သင်တန်းခရီးဆက်ခဲ့တာပါ။

တက်ညီလက်ညီ ကူညီခဲ့ကြတဲ့ မိတ်ဆွေများအားလုံးကို ကျေးဇူးအထူးတင်ပါကြောင်း မှတ်တမ်းတင်ပါတယ်ဗျာ။