မနေ့က ကျောင်းကအလုပ်လေးတွေ ခဏအားတုန်း ကွမ်းဆိုင်ကိုပြေးပါတယ်။ ကျွန်တော်ကွမ်းစားတာ ဆိုင်ပုံသေထား စားတာပါ။ အခုကျွန်တော်သွားတဲ့ ကိုတင့်ဇော်ဆိုင်ရယ် နောက် ကမ်းနားကဆိုင်ရယ်ပါ။ ကိုတင့်ဇော်ဆိုင်ကတော့ ပိုစားဖြစ်ပါတယ်။ အချိန်ရတုန်းလေး လုသွားရပါတယ်ဆိုကာမှ ဆိုင်ရောက်တော့ ကိုတင့်ဇော် က မရှိဘူးဗျာ။ သူ့မိန်းကိုမေးတော့ တစ်အိမ်ကျော်ဖက်မေးငေါ့ပြပါတယ်။ လှမ်းကြည့်တော့ လူစုစုနဲ့ ။ ကျွန်တော်လည်း သူ့ဆီလိုက်သွားပြီး ဘာတုန်းဗျ လို့မေးတော့ သူတို့အခန်းတစ်ခန်းကျော် ကို လူတစ်ယောက် အရက်မူးပြီး နောက်ဖေးကနေ ကျော်ဝင်လာလို့တဲ့။ ကျွန်တော်လည်း သူခိုးလားလို့မေးတော့။ မဟုတ်ဘူးတဲ့။ စရဖ လို့ပြောတယ်။ ခင်ဗျားဟာက ဟုတ်ရဲ့လားဗျာ စရဖ လာမှတော့ အိမ်ရှေ့ကလာမှာပေါ့ လို့ ပြောမိပါတယ်။ သူက ဟုတ်တယ် အဲဒီအမျိုးသမီးက အခု တိုင်ချက်ဖွင့်ထားတယ်လို့ဆိုပါတယ်။ အဲဒီအိမ်မှာက ယောင်္ကျားသားမရှိဘူးတဲ့။ သူ့ယောက်င်္ကျားက ထောင်ကျနေတာ ရွှေရောင်မြေ အရေးအခင်းတုန်းက လို့ဆိုပါတယ်။ ကျွန်တော်လည်း စဉ်းစားမိတယ် ဘာလဲရွှေရောင်မြေ အရေးအခင်း။ ရွှေရောင်မြေဆိုတာ မင်းဘူးမှာ ဆိုင်အကြီးကြီးရှိပါတယ်။ တကယ့်ကို ကြီးတာပါ။ ဈေးထဲမှာ ကွန်ပျူတာတွေနဲ့ ဘောင်ချာဖွင့်ရောင်းတာ။ စူပါမတ်ကက် ပုံစံပါပဲ။ ကျွန်တော်က ခင်ဗျားဟာက မဟုတ်သေးပါဘူး။ ရွှေပါရောင် မဟုတ်ဘူးလားဆိုမှ မဲနေတဲ့သွားတွေ ပေါ်အောင်ပြုံးရင်း ဟီးဟီး ဟုတ်တယ်တဲ့။ ပြောကြဆိုကြရင်းသူ့ဆီက ကွမ်းယူ။ အားရင် PlayStation 3 သွားဆော့ဖို့ ချိန်းတော့ မအားဘူးတဲ့။ သူတို့ အခန်းတွေကို ၀င်တဲ့ ဆားဗစ်ကြိုး ကားနဲ့မလွတ်ဘဲ ချိတ်ပါသွားလို့ အဲဒါလုပ်ရဦးမယ် တဲ့။
ဆက်ပါဦးမည်
No comments:
Post a Comment