Win - Win တဲ့လား

Win - Win ဆိုတာ Game Theory မှာ John Nash သေချာလုပ်ခဲ့တဲ့အပိုင်း ဖြစ်ပါတယ်။ သူမနာ ကိုယ်မနာပေါ့ဗျာ။ အရင် Von Nuemann တို့ အများကြီးလုပ်ခဲ့တာက zero sum အပိုင်းပါ။ zero sum ဆိုတာက 1 - 0 ဆိုရင် ကိုယ်ကအပြည့်နိုင်ပြီး 0 - 1 ဆိုရင်တော့ ကိုယ်က အပြည့်ရှုံးတဲ့ပုံစံပါ။ နောက်ပိုင်းမှာ John Nash လုပ်ခဲ့တဲ့ Win - Win အိုင်ဒီယာဟာ အင်မတန် develop ဖြစ်လာပြီး ၂ ဦး ၂ ဖက် ဆက်ဆံတဲ့ နယ်ပယ်တွေမှာ အလွန်အသုံးပြုကြတယ်လို့ သိရပါတယ်။ ဒါကလည်း 2 person game ပေါ်မှာ အခြေခံပြောတာပါ။ 2 person ထက်ပိုတဲ့ နေရာမှာလည်း သုံးကြပါတယ်။ သုံးတာက အရေးမကြီးပါဘူး။ ကျွန်တော်တို့က Win - Win ပဲ စဉ်းစားတာပါလို့ပြောရင် နားထောင်လို့ အင်မတန်ကောင်းပါတယ်။ ဒါပေမယ့် နောက်ကွယ်က ဘယ်သူက ဘယ်လောက် Win မှာလည်းဆိုတာ ဒီနေရာမှာ အင်မတန် အရေးကြီးပါတယ်။ ကျွန်တော်က ၉၉.၉၉၉၉ Win ဗျာ။ ခင်ဗျားတို့က ဝ.၀၀၀၁ Win ပေါ့ လို့ ဖြစ်နေရင် ဘယ်လိုလုပ်ကြမှာတုန်း။ Win - Win ကတော့ ဖြစ်နေတာပဲလေ။