သင်္ကြန်ရောက်ပြီဆိုမှဖြင့် ရေပက်ခံချင်တဲ့သူတွေက ရေပက်ခံထွက်တယ်။ ရေပက်ချင်တဲ့သူတွေက ရေပက်တယ်။ တရားစခန်းဝင်ချင်တဲ့သူတွေ တရားစခန်းဝင်၊ အေးအေးကိုယ့်ဟာကိုနေချင်တဲ့သူတွေက အိမ်မှာကိုယ့်ဟာကိုနေကြ ကိုယ်နေချင်တဲ့ပုံစံကိုယ့်ဟာကို ရွေးနေကြတာပါပဲ။ ကျွန်တော်ငယ်ငယ်ကတော့ ဂိမ်းစက်ငှားပြီး အိမ်မှာပဲ ဂိမ်းဆော့နေလေ့ရှိပါတယ်။ အဖေနဲ့ အမေကလည်း ရေမဆော့စေချင်၊ ကျွန်တော်ကိုယ်တိုင်လည်း ရေဆော့ဖို့ စိတ်မပါလှပါဘူး။ မြန်မာ့ရုပ်မြင်သံကြားကလာတဲ့ သင်္ကြန်ကားလေး တွေကိုလည်း ကြည့်ဖြစ်ပါတယ်။ စိတ်ထဲမှာ အမှတ်ရနေတာတွေကတော့ သင်္ကြန်မိုးဇာတ်ကားနဲ့ မောင်တို့ချယ်ရီမြေဇာတ်ကားပါ။
သင်္ကြန်မိုးဆိုလို့ ဒီနှစ် မကွေးမှာ သင်္ကြန်မိုး မရွာပါ။ အရင်တုန်းကတော့ သင်္ကြန်အကြိုနေ့မှာ ရွာတတ်တယ် ထင်ပါတယ်။ အဲလိုရွာပြီးရင်ပိတောက်တွေပွင့်။ သင်္ကြန်နဲ့ပိတောက်။ အော် ဒါနဲ့ ပြီးခဲ့တဲ့မတ်လထဲတုန်းက မိုးထရွာလို့ ပိတောက်တွေပွင့်ခဲ့ကြပါသေးတယ်။
အကြိုနေ့ညမှာ မြန်မာ့ရုပ်မြင်သံကြားက သင်္ကြန်ကားတွေလာလောက်မှာပဲလို့တွေးပြီး အင်တီနာကြိုးကို အိပ်ခန်းထဲရောက်အောင် ဆွဲပါတယ်။ အင်တီနာကြိုးဖြုတ်ထားပြီး မြန်မာ့ရုပ်မြင်သံကြား မကြည့်ဖြစ်တာ တော်တော်ကြာပါပြီ။ အင်တီနာကြိုးဆွဲလို့ အဆင်ပြေပြီးသကာလ တီဗွီဖွင့်ကြည့်တော့ တိုက်တိုက်ဆိုင်ဆိုင် သင်္ကြန်မိုးဇာတ်ကား လာနေပါတယ်။ ကိုငြိမ်းမောင်နဲ့ မြခက်တို့ သားလေး သက်ထွေးမွေးခါနီးအခန်းဆိုတော့ တစ်ဝက်လောက်ရှိပြီထင်ပါတယ်။ ဒါနဲ့ပဲ ဂိမ်းဆော့နေတဲ့ သမီးကြီးကိုခေါ် သူ့ကိုပါကြည့်ခိုင်းပါတယ်။
မနက်ဖြန်ဆို နှစ်ဆန်းတစ်ရက်နေ့ နှစ်ကူးပါပြီ။ အားလုံး စိတ်ချမ်းသာ ကိုယ်ကျန်းမာနဲ့ တိုင်းပြည်အကျိုး ကိုယ်တတ်နိုင်သလောက် ဆောင်ရွက်နိုင်ကြပါစေ။ ကျွန်တော့်ဘလော့(kyihtinpaw.blogspot.com) မှာ ဒီ Post လေးတင်ရင်း အားလုံးဆီကို mail ပို့လိုက်တာပါ။
ကြည်ထင်ပေါ်
No comments:
Post a Comment