ဇူလိုင် ၁၉

သက်ဆိုင်ရာရက်တွေမှာ သက်ဆိုင်တဲ့ post လေးတွေတင်ရတာ ကြည်နူးစရာပါ။ ကျွန်တော်ကအဲလို တင်လေ့ရှိပါတယ်။ အဲဒီလိုတင်လေ့ရှိတော့ ဘာဒုက္ခရောက်သလဲဆိုရင် ကိုယ်ကpostတင်ချင်၊ မီးကပျက်။ ကွန်နက်ရှင်မကောင်းတော့ ၀င်မရ ကိုယ်ကရေးချင် သူက၀င်မရ အဲလိုမျိုးတွေတော့ကြုံရတာပေါ့ဗျာ။ အခုလည်း အာဇာနည်နေ့အကြောင်းရေးဖို့ကို ဒီနေ့မှရေးနိုင်တော့တယ်။

ငယ်ငယ်တုန်းက အာဇာနည်နေ့ဆို ၁၀နာရီ ၃၇ မိနစ်လောက်မှာ ဥသြဆွဲသံကြားရပါတယ်။ အခုနောက်ပိုင်းတော့ ဆွဲသလား မဆွဲသလားတောင် သတိမထားမိဘူး။ ရန်ကုန်တက္ကသိုလ်မှာ ကျူတာစဖြစ်တာ့ ကျွန်တော် MSc မတက်ရသေးပါ။ MSc တန်းတက်တော့ ကျွန်တော်တို့အတန်းမှာ Analysis ဘာသာရပ်ကို ဆရာကြီး ဒေါက်တာခင်မောင်ဆွေ ကသင်ပေးပါတယ်။ ဆရာကအဲဒီတုန်းက ဂုဏ်ထူးဆောင်ပါမောက္ခပါ။ ဆရာကြီးအမျိုးသမီးက ဆရာမကြီးဒေါ်မြင့်မြင့်ခိုင်ပါ။ ဆရာမကြီးက မန်းဘခိုင် ရဲ့သမီးပါ။ အဲဒီတော့ ဆရာတို့အိမ်မှာ နှစ်တိုင်း ဆွမ်းကပ်၊ တခြားဧည့်သည်တွေကိုဖိတ်ကျွေး လုပ်ပါတယ်။ ကျွန်တော့်အမျိုးသမီးက ဆရာကြီးရဲ့ MSc ကျမ်း နောက်ဆုံးတပြည့်ပါ။ အဲဒီတော့ ၁၈ ရက်နေ့ဆို ဆရာ့အိမ်မှာ ဆရာ့တပြည့်တွေက ချက်တာပြုတ်တာ ၀ိုင်းကူလေ့ရှိပါတယ်။ ဆရာက မုန့်ဟင်းခါးတစ်လှည့်၊ အုန်းနို့ခေါက်ဆွဲတစ်လှည့် ကျွေးလေ့ရှိပါတယ်။

၁၉ ရက်နေ့မှာ ဖိတ်တဲ့ဧည့်သည်တွေကို ဆရာတို့မိသားစုက သေချာဖိတ်စာနဲ့ ဖိတ်ပါတယ်။ ဖိတ်ပြီး ဒီအတိုင်းထားတာမဟုတ်ပါဘူး။ ဘယ်သူလာတယ်။ ဘယ်သူမလာဘူးမှတ်ပါတယ်။ အကြောင်းပြချက် ခိုင်ခိုင်လုံလုံမရှိပါဘဲနဲ့ မလာရင်တော့ နောက်နှစ် မဖိတ်တော့ပါဘူး။ ကျွန်တော်တို့လည်း နှစ်တိုင်းလို ဆရာ့အိမ်ရောက်ဖြစ်ပါတယ်။ အခုမကွေးရောက်နေတော့ မရောက်ဖြစ်တာ ၃ နှစ်လောက်ရှိပါပြီ။