Windows 7

Microsoft က Release လုပ်တဲ့ Windows 7 အောက်တိုဘာ ၂၂ ကထွက်လာပါတယ်။ မထွက်ခင် Beta တွေပေးတုန်းက Microsoft ကပေးတဲ့ကောင်ကိုပဲ ဒေါင်းပြီး စမ်းသုံးကြည့်ဖူးပါတယ်။ ကျွန်တော်ကလောလောဆယ် OS သုံးရာမှာ Microsoft platform ပဲသုံးဖြစ်တာပါ။ အဲဒါကြောင့် ထွက်ရင်ထွက်တဲ့ကောင် လိုက်သုံးနိုင်ဖို့ ကြိုးစားရပါတယ်။ အရံအနေနဲ့ Ubuntu လေးလည်း စစမ်းနေပါပြီ။ ရန်ကုန်က အောက်တိုဘာ ၂၅ မှာပို့ပေးလိုက်တဲ့ Windows 7 အခွေကို တင်သုံးကြည့်ပါတယ်။ Loader လည်း တစ်ခါတည်းပါပါတယ်။ တင်ပြီးတာနဲ့ loder ကို run လိုက်ရုံပါပဲ။ အခု သူများတွေ တင်ပေးထားတဲ့ Key ထည့်သုံးဖို့ တစ်ခုဒေါင်းတာ ရသွားပါပြီ။ တင်တော့ တင်မကြည့်ရသေးဘူးဗျ။ ကျွန်တော်ဒေါင်းခဲ့တာ ဒီကပါ။ တင်ပြီးသုံးကြည့်ပါတယ်။ ပါလာတဲ့ Key က ရက် ၃၀ Key ပဲဖြစ်နေတာကြောင့် အရင်အတိုင်း Loader လေးနဲ့ လိမ်ထားရပါတယ်ခင်ဗျား။

သင်တန်းနှင့်ကျွန်တော်

အသစ်ခန့်လိုက်သော နည်းပြများအတွက် ကွန်ပျူတာသင်တန်းတစ်ခု ဖွင့်မည်ဟု ဆရာကြီးကပြောလာပါသည်။ အရင် အင်္ဂလိပ်စာနှင့် စီမံသင်တန်းတွင် ကွန်ပျူတာကိုပါ တစ်ပေါင်းတည်း ဖွင့်ရန် မှန်းထားသော်လည်း အချိန်မကိုက်သဖြင့် မထည့်လိုက်ရပါ။ ကျွန်တော်ကျောင်းဂျာနယ်ကိစ္စ လုပ်နေသည်မှာ ၃-၁၂-၀၉ မှ အချောသတ်ပြီးစီးသွားပြီး ၄ ရက်နေ့တစ်ရက်လုံးက အခြေခံအတွက် ဖွင့်သော သင်တန်းတွင် အချိန်ပေးလိုက်ရပါတယ်။ ၅ ရက်နဲ့ ၆ ရက် ပြင်ဆင်စရာရှိသည်များကို ပြင်ဆင်ပြီး ၇ ရက်နေ့မှာ သင်တန်း စတင်ပါတယ်။ သင်တန်းချိန်က နံနက် ၈ နာရီမှ ၁၂ နာရီထိပါ။ ကြားထဲမှာ နားချိန် နာရီဝက်ထည့်ပေးထားပါတယ်။ ပထမတစ်ခါ ၁၀ နာရီလောက်မှာ မီးပျက်ပါတယ်။ အဲဒီပျက်လိုက်တဲ့ဟာ ည ၉နာရီ ၁၅ မှ ပြန်လာပါတယ်။ မနေ့က ထပ်မီးပျက်တယ်။ ၁၀ နာရီလောက်ပဲ။ ညနေ ၃ နာရီလောက်မှ ပြန်လာပါတယ်။ မီးက ကျွန်တော်တို့ကျောင်းမှာ ပျက်ခဲပါတယ်။ အခုကွန်ပျူတာသင်တန်းဆိုတော့ မီးမှပျက်ရင်ဖြင့် ဘာမှာလုပ်မရပါ။ နောက် UPS ကမရှိနဲ့ ဘယ်အလုံး Power Supply ကြွမလဲ၊ HDD ပျက်မလဲနဲ့စိတ်ပူရပါတယ်။ ကျွန်တော်နဲ့အတူ တွဲတာဝန်ယူကြသူများကတော့

၁။ ဦးကျော်စိုး လက်ထောက်ကထိက မြန်မာစာဌာန

၂။ ဦးဝင်းမြင့်

၃။ ဦးအောင်မင်း နည်းပြ သင်္ချာဌာန

၎။ ဒေါ်ချိုချိုသိန်း လက်ထောက်ကထိက ဒဿနိကဌာန

၅။ ဒေါ်ဌေးဌေးဝင်း လက်ထောက်ကထိက သင်္ချာဌာန

၆။ ဒေါက်တာဒေါ်သိန်းဌေး လက်ထောက်ကထိက ရူပဗေဒဌာန

၇။ ဒေါက်တာပြုံးပြုံးမြင့် နည်းပြ သတ္တဗေဒဌာန

၈။ ဒေါက်တာအေးမြဖြူ နည်းပြ သတ္တဗေဒဌာန

၉။ ဒေါက်တာလေးသီတာဦး နည်းပြ ရူပဗေဒဌာန

၁၀။ ဒေါက်တာလဲ့လဲ့ခိုင် နည်းပြ ရူပဗေဒဌာန

တို့ဖြစ်ပါတယ်ခင်ဗျား။

သင်တန်းမှာ သင်ပေးတဲ့ပုံစံကတော့

ပထမဦးစွာ Typing Tutor နဲ့ လက်ကွက်များ မှန်ကန် မြန်ဆန်စေရေးကို လေ့ကျင့်ပေးပါတယ်။ နောက် Operatin System အနေနဲ့ Windows XP နှင့်မိတ်ဆက်သင်ကြားပေးပြီး Introduction to Computer System ကို အခြေခံသိစေပါတယ်။ စာစီစာရိုက်အနေဖြင့် Microsoft Office Word 2003၊ စာရင်းဇယားအတွက် Microsoft Office Excel 2003၊ Presentation အတွက် Microsoft Office Power Point 2003 တို့နှင့်သင်ကြားပေးပါတယ်။ ထို့ပြင် Internet & email သင်ခန်းစာများလည်းပါဝင်ပါတယ်။ သင်ခန်းစာတစ်ခုပြီးတိုင်း စာမေးပွဲစစ်ဆေးခဲ့ပါတယ်။

ဒီနှစ်ဆောင်း

ဒီနှစ်ဆောင်းက တစ်မျိုးတော့ တစ်မျိုးပဲဗျ။ မကွေးမှာပြောတာနော်။ အဲလိုပြောတော့ ကိုယ်ကပဲ မကွေးအကြောင်း နောကြေနေသယောင်ယောင်။ အနေကြာနေသလိုဖြစ်နေလား မသိဘူး။ ကျွန်တော် မကွေးရောက်တာ ၂ နှစ်ပြည့်တော့မယ်ဗျ။ ရောက်တုန်းက ၂၀၀၇ ဖေဖော်ဝါရီဆိုတော့ ဆောင်းကုန်ခါနီး ရောက်လာတာလေ။ ၂၀၀၈ ဆောင်းကောင်းကောင်းကြုံရပါတယ်။ အခုရေးမှာက ၂၀၀၉ ဆောင်းပေါ့ဗျာ။ ကျွန်တော် ငယ်ငယ်ကတည်းက သိထားတာလေး တစ်ခုရှိတယ်ဗျ။ ရာသီဥတု တစ်ခုနဲ့ တစ်ခုအပြောင်းမှာ မိုးရွာပြီးမှ ပြောင်းလေ့ရှိပါတယ်။ ဒီနှစ် မကွေးမှာ မိုးမရွာဘဲ ဗြုန်းဆို ထအေးပါတယ်။ ဆောင်းတန်းရောက် တာကိုပြောတာပါ။ နိုဝင်ဘာ ပထမပတ်ထဲမှာ အေးစပြုလာလို့ အေးတော့မှာပဲလို့ ထင်တာ ဘယ်ဟုတ်မှာတုန်း ပြန်ပူတယ်ဗျာ။ အခု နိုဝင်ဘာ နောက်ဆုံးပတ်မှာမှ မပြောမဆို ထအေးပါတော့တယ်။ ကျွန်တော်ပြောခဲ့တဲ့ ရာသီဥတုပြောင်းတဲ့မိုးလည်း မရွာပါဘူး။ ရာသီဥတုတွေလည်း ဘာဖြစ်ကုန်ပြီလဲ မသိပါဘူးဗျာ။ အဲလိုဖြစ်တော့ တချို့ကပြောပါတယ်။ နွေမှာ ပိုပူလိမ့်မယ်တဲ့။ ကျွန်တော်တို့ မကွေးက ဒီနှစ်ဆောင်း ဖြစ်ပုံလေးပါ။

ပွင့်ဖြူမြို့သို့

မနေ့ကကျောင်းရောက်တော့ ကျွန်တော်တို့ဌာနက တွဲဖက်ပါမောက္ခဆရာကြီး ဦးခင်မောင်ဌေး ရဲ့ မိခင် ကွယ်လွန်သွားပြီဖြစ်ကြောင်း သိခဲ့ရပါတယ်။ ဒါနဲ့ပဲ နာရေးသွားမေးဦးမယ်ဆိုပြီး ဘယ်မှာနေကြတာလဲ မေးကြည့်တော့ ပွင့်ဖြူမြို့ မှာတဲ့။ ကျွန်တော်က နာရေးကိစ္စ ကိုယ်လက်လှမ်းမှီတဲ့နေရာမှာဆိုရင် ကိုယ်တိုင်သွားလေ့ ရှိပါတယ်။ ဘယ်နှစ်မိုင်လောက်ဝေးလဲ စုံစမ်းတော့ ၂၇ မိုင်ဝေးတယ်တဲ့။ ၂၇ မိုင်ဆိုရင် သိပ်မဝေးဘူးလေ။ သွားမယ်လို့ စိတ်ပိုင်းဖြတ်လိုက်ပြီးသကာလ ဆရာကြီးရဲ့ အမေနာမည်၊ လိပ်စာ ဆက်စုံစမ်းပါတယ်။ ဘယ်လိုမှ မသိရဘူးဗျာ။ ဘယ်သူ့သွားမေးမေး ယောင်ဝါးဝါးပဲ။ သိသိ မသိသိ ရောက်အောင်သွားဖို့တော့ ဆုံးဖြတ်ပြီးသားပါ။ ဟိုရောက်မှ ရအောင်စုံစမ်းမယ်ပေါ့။ ညရောက်တော့ တစ်ခုသတိရလိုက်တယ်ဗျ။ တပည့်မ တစ်ယောက် ပွင့်ဖြူကလို့ထင်တာပဲ။ သူကရန်ကုန်မှာအခု။ ဒါနဲ့ပဲ သူ့ဆီဖုန်းဆက်တော့ ဟုတ်သဗျာ။ သူက အဲဒီက။ သူ့ဆီက နာမည်ရော လိပ်စာပါရသဗျာ။ သူ့အိမ်ပါ ၀င်လည်သွားပါဦး၊ သူအိမ်ကိုဖုန်းဆက်ထားပါ့မယ် လို့ဆိုပြီး သူ့အိမ်လိပ်စာပါ ပေးပါတယ်။ သူ့ဆီလှမ်းဆက် သွယ်တာ မှန်သွားတာပေါ့ဗျာ။ ဒါနဲ့ပဲ ဆိုင်ကယ်လေချိန်၊ အင်ဂျင်ဝိုင်လဲ ဆောင်ရွက်ဖွယ်ရှိသည်များကို ဆောင်ရွက်လိုက်တာ ည ၂နာရီခွဲသွားပါတယ်။ TV ဖွင့်ကြည့်တော့ ESPN က U17 ပွဲလာနေသဗျ။ စပိန် နဲ့ အိမ်ရှင် နိုက်ဂျီးရီးယားပွဲ။ စပိန်ကလည်း ရှုံးနေလိုက်တာဗျာ။ ၃ - ၁ တဲ့။ ဘောပွဲလေးပြီးမှ အိပ်ရာဝင်။

မနက် ဆရာဝင်းသိန်းဦးက လာနှိုးပါတယ်။ ၆ နာရီမှာပါ။ မုန့်ဆိုင်ဝင် မနက်စာစားပြီး ၆ နာရီ ၄၅ မိနစ် လောက်မှာ မကွေးကစထွက်လာပါတယ်။ မင်းဘူးရောက်တော့ ။ အဲဒီကမှ စကု၊ နောက် ကျောင်းတော်ရာ နဲ့ ပွင့်ဖြူကို လမ်းခွဲ လယ်ကိုင်းရွာ။ လယ်ကိုင်းကနေ ကျောင်းတော်ရာကို ၄ မိုင်ပါ။ ကျွန်တော်တို့သွားမယ့် ပွင့်ဖြူကိုက ၇ မိုင်ဗျ။ မှာ ပွင့်ဖြူကိုရောက်ပါတယ်။ ဆရာကြီးအိမ်ဝင်၊ စကားပြော၊ ဌာနကလူကြုံပါး လိုက်တဲ့ အကူငွေပေး၊ ကျွန်တော်တို့က အကူငွေလို့ ခေါ်တာ။ ကျွန်တော်တို့ဆီကို တောင်ကြီးပြောင်းလာတဲ့ ဆရာမကြီး ဒေါက်တာနန်းအေးဆွေက သွေးသောက်ကြေး တဲ့။ ခနနေပြီးသကာလ ၀ါဝါတို့အိမ်ဝင် ပြီးတော့ မကွေးကိုပြန်လာကြတာ  မှာ မကွေးကိုပြန်ရောက်ပါတယ်။ အပြန်လမ်းမှာ ဆိုင်ကယ်က ခနခန ထိုးရပ်တာ ကလွဲရင် အားလုံးအဆင်ပြေတဲ့ ခရီးပါ။

အမျိုးသားနေ့

ဒီနေ့ဟာ အမျိုးသားနေ့ဖြစ်ပါတယ်။ အမျိုးသားနေ့ဆိုတော့ ရုံးပိတ်တာပေါ့ဗျာ။ ရုံးပိတ်တော့ ကျောင်းလည်း မသွားရဘူးဗျ။ စောစောထပြီး မြက်ဆက်ရှင်းဖို့ ချိန်းထားတယ်။ သူတို့ကတော့ မေးရှာပါတယ်။ ဘယ်အချိန် လာရမလဲတဲ့။ ကျွန်တော်လည်း နိုးတဲ့အချိန်လာခဲ့ကွာ လို့ပြောလိုက်မိတယ်။ သူတို့လာရင်တော့ ကိုယ့်ကို နှိုးမှာပဲလို့ စိတ်အေးလက်အေးအိပ်တာပေါ့ဗျာ။ ကျွန်တော် မနက် ၉ နာရီမှာနိုးပါတယ်။ ဒီကောင်တွေ မနှိုးဘဲ သူတို့ဟာသူတို့များ ချနေကြပြီလားလို့ ထင်မိတာပေါ့ဗျာ။ ကိုယ်တော်ချောများက မလာသေးဘူးဗျ။ မနေ့က ငါနိုးတဲ့အချိန်လာခဲ့လို့ ပြောမိတာ မှားပြီနဲ့တူတယ်လို့ တွေးမိပါတယ်။ အကြော်နဲ့ ထမင်းစား၊ ကော်ဖီသောက် နေတုန်း ၉ခွဲလောက်မှ ရောက်လာကြတယ်။ မြက်တွေဆက်ရှင်း မီးပုံရှို့ ချကြတာပေါ့ဗျာ။ မြက်တွေကလည်း တော်တော်သန်တယ်ဗျ။ မသိတဲ့သူဆိုရင် မြက်စိုက်ထားသလားလို့ အထင်မှား လောက်တယ်။

တနေ့ညက အ၀တ်လျော်စက် ရေထုတ်တုန်း မြွေတစ်ကောင်တွေ့လို့ လှမ်းရိုက်လိုက်ပါတယ်။ သေသေချာချာ မထိတော့ မသေဘူးဗျ။ ရှုး ရှုးနဲ့ မှုတ်ပြီး ပြေးပါတယ်။ ကြားဖူးနားဝအရ ဒါမြွေဟောက် ဖြစ်နိုင်တယ်လို့တော့ စိတ်မှာ ထင်မိတယ်ဗျ။ တုတ်ကလည်းအမာဆိုတော့ ရိုက်လို့မကောင်းဘူးဗျ။ ထောက်နေတယ်။ ရိုက်လို့မကောင်းတော့ သိပ်လည်း အနားမကပ်ရဲတာနဲ့ တုတ်နဲ့လှမ်းပြစ်ပါတယ်။ အဲဒီကျမှ နောက်တစ်ခါရှုးပြီး ပါးပြင်းထောင်ပြတယ်ဗျ။ တိရိစ္ဆာန်ရုံမှာပဲ မြွေဟောက်မြင်ဖူးတာပါ။ အပြင်မှာ အခုလို နဖူးတွေ့ဒူးတွေ့ကြုံရတော့ လန့်တော့သွားတာပေါ့ဗျာ။ မြွေဆိပ်ဖြေဆေးကလည်း ရှား ဆိုလားပဲ။ တလောက မကွေးမှာအတုလုပ်လို့ ဖမ်းတဲ့သတင်း ပါလာတဲ့ဂျာနယ် ရောင်းမလောက်ဘူးဗျာ။ ရောင်းကောင်းမှ ကောင်းဆိုပဲ။ အဲ မြွေအကြောင်း ဆက်ရဦးမယ်။

လက်ထဲလည်းတုတ်မရှိတော့လို့ ကိုယ်ကတုတ်ပြေးယူတုန်း သူကလည်းပြေးပါတယ်။ လွတ်သွားတယ် ပေါ့ဗျာ။ အဲဒါနဲ့ပဲ ဒီနားကမြက်တွေတော့ ရှင်းရဦးမယ်လို့ စိတ်ကူးရင်း မနေ့ညနေကစရှင်းကြပါတယ်။ တော်တော်တော့ လုပ်ရဦးမှာပါ။ အဲဗျာ အမျိုးသားနေ့လို့ ခေါင်းစဉ်တတ်ပြီး မြက်ရှင်းတဲ့ အကြောင်းရောက် သွားတယ်။ အမျိုးသားနေ့ဆိုတာက အားလုံးသိပြီးသားပဲဗျာ။ ဟုတ်တယ် မဟုတ်လား။

ကျွန်တော်နဲ့အတူ မြက်ကူရှင်းပေးကြသော မကွေးတက္ကသိုလ် သင်္ချာဌာန မှ နည်းပြများဖြစ်ကြတဲ့ ဦးရာဇာဝင်း၊ ဦးဝင်းသိန်းထွန်း၊ ဦးဇော်မျိုးထက် တို့ကို ကျေးဇူးအထူးတင်ရှိပါကြောင်း။

ဘာလုပ်ရမလဲ

ကျွန်တော်တို့ ကွန်ပျူတာအခန်းထဲမှာ အဲယားကွန်း နှစ်လုံးရှိပါတယ်။ တစ်လုံးက Window Type ပါ။  အဲဒီထဲ ကြွက်ကအသိုက်ဝင်ဆောက်တယ်ဗျာ။ အရင် လေးငါးရက်ကတော့ ဖွင့်လိုက်ရင် ၀ရူးဆို ကြွက်အသိုက်ဆောက် ဖို့ ချီထားတဲ့ စက္ကူစုတ်တွေ၊ ဖော့တွေပြန်ထွက်လာတယ်။ ပြီးရင်တော့ စက်က ပုံမှန်ဆိုတော့ အချိန်တန် ဒီကြွက် ပြေးမှာပဲ၊ အသိုက်ပြောင်းမှာပဲလို့ ယူဆပြီး ဒီအတိုင်းထားမိတယ်။ ဒါပေမယ့် မနေ့ကကျတော့ စက်ဖွင့်ပြီးခဏ အကြာကြွက်တစ်ကောင်ထွက်လာတယ်ဗျ။ တော်တော်ကြီး ပါတယ်။ သူများတွေမြင်ရင် မွေးထားတာလားလို့ မေးရလောက်အောင်ပါ။ ဝေးဝေးလည်းမပြေးဘဲ အဲယား ကွန်းနားမှာပဲ ရစ်သီရစ်သီလုပ်နေတယ်ဗျ။ ကျွန်တော် လည်း သိပ်မသင်္ကာလို့ စောင့်ကြည့်နေတာပေါ့ဗျာ။ အဲယားကွန်းက မြင်းကောင်ရေ နှစ်ကောင်ဆိုတော့ တော်တော်အေးပါတယ်။ တစ်မိနစ်လောက်အကြာမှာ အဲယားကွန်းထဲပြန်ဝင်သွားတယ်ဗျ။ ကျွန်တော်လည်း နည်းနည်းတော့ သဘောပေါက်လိုက်ပါပြီ။ အရေးကြီးပစ္စည်းကျန်နေလို့ ပြန်ယူတာနေမှာပေါ့။ ခနနေတော့ ပြန်ထွက်ဖို့ ကြိုးစားပါတယ်။ ပါးစပ်မှာ တစ်ခုခုကိုက်လာတယ်ဗျ။ အဲဒါဟာနဲ့ အပေါက်ကထစ်နေတော့ အလွယ်တကူ ပြန်မထွက်နိုင်ဖြစ်နေတယ်ဗျ။ ကျွန်တော် ဂရုစိုက်ကြည့်လိုက်တော့

ဟား

ကြွက်ပေါက်လေးဗျာ။ နီတာရဲလေးပဲရှိသေးတယ်။ သူ့ကလေးကို သွားပြန်ခေါ်တာဗျ။ အထဲကထွက်လာတဲ့ လေကအေး၊ ပါးစပ်မှာကိုက်လာတဲ့ ကြွက်ကလေးနဲ့အပေါက်နဲ့ ထစ်နေလို့ ထွက်မရ ...

ကျွန်တော် အဲယားကွန်းကို ချက်ချင်းပြေးပိတ်လိုက်ပါတယ်။ အဲဒီတော့ သူ့ကလေးကိုက်ပြီး အထဲပြန်ဝင်သွား တယ်ဗျာ။ ကျွန်တော့်မှာသာ အဖုံးဖွင့်ပြီး အသိုက်ကို ရှင်းလိုက်ရမလား။ ဒီအတိုင်း ထားရမလား။ စိတ်တော် တော်လေသွားတယ်ဗျာ။

ခင်ဗျားတို့ဆိုရင်ရော ဘယ်လိုလုပ်ကြမလဲဟင်။

ကျွန်တော်တော့ ဘာမှကိုမဆုံးဖြတ်တတ်သေးလို့ အခုလည်း အဲဒီအဲယားကွန်း မဖွင့်ဘဲ အလုပ်လုပ်နေရပါ ကြောင်း။ စိတ်လေတယ်။

Hit Counter

မနေ့က ဇေယျာနဲ့ GTalk မှာတွေ့တော့ Hit Counter ဘယ်လိုလုပ်ရလဲလို့မေးပါတယ်။ ဒါနဲ့ကျွန်တော်လည်း ဒီPost တင်ဖြစ်တာပါ။ ကျွန်တော်လုပ်တာကတော့

http://www.pax.com/free-counters.html  
ကနေဖြစ်ပါတယ်။ တခြားလုပ်နိုင်တဲ့နေရာတွေ အများကြီး ရှိဦးမှာပါ။ တချို့လည်း ဒီကနေ

http://www.fastwebcounter.com

လုပ်ထားတာတွေ့ရပါတယ်။ ဇေယျာ အဆင်ပြေပါစေ။

ပေါလိုက်တဲ့မြွေ

မကွေးကို ပြောင်းရမယ်ဆိုတော့ မြွေနဲ့ပတ်သက်လို့ စသတိပေးသူက ကျွန်တော့ဆရာ Dr.ဇော်ဝင်းပါ။ ဆရာကအခု ရန်ကုန်တက္ကသိုလ်၊ သင်္ချာဌာနမှာ ပါမောက္ခ၊ ဌာနမှူးတာဝန်ထမ်းဆောင်နေပါတယ်။ သူကမြွေကို တိုက်ရိုက်သတိပေးတာတော့ မဟုတ်ဘူးဗျ။ သူပြောတာက ကြောင်မွေးမယ်ဆိုရင် သတိထားကွ တဲ့။ ကိုယ်မွေးတဲ့ကြောင်က မြွေကိုကိုက်ချီလာမယ်။ မသေမရှင်နဲ့ပေါ့ဗျာ။ အိမ်ထဲထိပါလာမယ်။ အိမ်ကလူတွေက သတိမထားမိတော့ အဲဒီမြွေက အန္တရာယ်ပေးမယ်။ အဲလိုဗျ။ နောက်တစ်ယောက်ကတော့ ဆရာမကြီး Dr.ကြည်ကြည်အောင် ပါ။ သူလည်း အဲလိုပြောတာပဲ။ သူပြောတာက အဖြစ်အပျက်လေးတောင်ပါသေးတယ်။ သီလရှင်ကြီး မွေးတဲ့ကြောင်က ညအိပ်ရင် သီလရှင်ကြီးရဲ့ အိပ်ရာထဲဝင်အိပ်လေ့ရှိတယ်တဲ့။ အဲဒီကြောင်က အပေါ်မှာပြောထားသလို အိပ်ရာထဲထိချီလာတယ်။ သီလရှင်ကြီးကို ကိုက်တယ်။ အဲလိုပြောပြကြတယ်ဗျ။ ကျွန်တော်လည်း စာထဲပေထဲမှာတော့ သရော်တာတွေဖတ်ဖူးပါတယ်။ မကွေးတက္ကသိုလ် ကို မပွေးတက္ကသိုလ်လို့ သရော်တာတွေ ဖတ်ဖူးတယ်ဗျ။ စိတ်ထဲမှာတော့ နည်းနည်းပူတာပေါ့ဗျာ။ သမီးကလည်း ဆော့တာမှ တော်တော့်ကို ပေါက်ပေါက်ရှာရှာဆော့တာ ဆိုတော့ သမီးအတွက်လည်း စိတ်ပူတာပေါ့။ ကိုယ်နေခဲ့တဲ့ ရန်ကုန်မှာက မြွေမြင်ချင်ရင် တိရိစ္ဆာန်ရုံထဲသွားကြည့်ရတာဆိုတော့ မြွေနဲ့ပတ်သက်တဲ့ အတွေ့အကြုံကလည်း မရှိဘူးဗျ။ အဲလိုနဲ့ပဲမကွေးပြောင်းခဲ့ကြပြီဗျာ။ ရောက်ပြီပေါ့။

Desktop Background ပုံအသေ

ကျွန်တော်တို့တတွေ ကိုယ်နှစ်သက်ရာပုံလေးတွေကို Desktop Background အဖြစ် တင်ထားတတ်လေ့ ရှိကြပါတယ်။ တခါတလေ ကိုယ်ကကိုယ်ကြိုက်တာတင်ထားလိုက်၊ တခြားသူက သူကြိုက်တာတင်သွား လိုက်နဲ့ လုံးခြာလည်လိုက်ဖူးကြမှာပါ။ သူကြိုက်တဲ့ပုံက ရိုးရိုးသားသားပုံဆိုရင်တော်သေးရဲ့။ ဒီလိုမဟုတ်ဘဲ နောက်ချင်၊ ပြောင်ချင်လို့ မဟုတ်ကဟုတ်ကပုံတွေတင်သွားရင် တော်တော်စိတ်ကသိကအောက် ဖြစ်ရ ပါတယ်။ အခု ကျွန်တော်ရေးမယ့်နည်းကတော့ Desktop Background ပုံပြောင်းလို့မရဘဲ၊ အသေ ဖြစ်အောင် လုပ်တဲ့နည်းပါ။ Windows XP မှာရော Vista မှာပါ အလုပ်ဖြစ်ပါတယ်။ Windows 7 နဲ့တော့ မစမ်းရသေးဘူးဗျ။ ဒါပေမယ့် အလုပ်ဖြစ်မှာပါ။ ကဲပြောနေကြာရဲ့ ၊ စလိုက်ပါပြီ။

Windows Start Button ကနေတဆင် run ကိုခေါ်လိုက်ပါမယ်။ အဲဒီမှာ gpedit.msc လို့ရိုက်ထည့်ပြီး Enter နှိပ်ပါမယ်။

Local Computer Policy==>User Configuration==>Administrative Templates Desktop==>Active Desktop အဲဒီအဆင့်အထိရောက်ရင် ညာဘက်မှာ Active Desktop Wallpaper ဆိုတာကို double click ပြီး enable နှိပ်ရင် အလယ်က box လေးလင်းလာမယ် Wallpaper Name ဆိုတဲ့နေရာမှာ ကိုယ့်ထည့်ချင်တဲ့ပုံလမ်းကြောင်းကိုရွေးပေးလိုက်ရင် ကိုယ်ရွေးထားတဲ့ပုံ အသေဖြစ်သွားပါပြီ။

MZ မှာကိုညမီးအိမ်ရေးထားတာလေးပါ။ အသုံးလည်းဝင်၊ အဆင်လည်းပြေလို့ ကူးယူဖော်ပြထားပါတယ်။

မွေးနေ့

ဒီနေ့ကတော့ ကျွန်တော့အသက် ၃၆ နှစ်ပြည့်မွေးနေ့ပါ။ ၃၆ နှစ်ရှိသွားပါပြီ။ ပုံမှန်သက်တမ်းစေ့ နေရမယ်ဆိုရင် ကျွန်တော့်အသက်က တစ်ဝက်ကျိုးပါပြီ။ သက်တမ်းစေ့မဟုတ်ဘဲနဲ့ ဒီကြားထဲ ဖွတ်ရှူးဆို သွားချင်လည်းသွားမှာပဲ။ ဘယ်တော့သေမယ်ဆိုတာ ကျွန်တော်တို့သိမှမသိနိုင်တာ။ မသေခင်လေး လုပ်သင့်တာနဲ့ လုပ်ချင်တာလေးတွေ တတ်နိုင်သလောက်လုပ်သွားမယ်။ လုပ်နိုင်အောင်လည်း ကြိုးစားမယ် လို့ မှတ်ယူထားပါတယ်။

ဆရာများနေ့

အောက်တိုဘာလ ၅ ရက်နေ့ဟာ ဆရာများနေ့ဖြစ်တယ်လို့ သိရပါတယ်။ ကိုယ်ကိုတိုင်ကကျောင်းဆရာလုပ် နေသူဖြစ်ပေမယ့် ဆရာများနေ့ကိုမေ့နေတယ်။ သတင်းတွေဖတ်ရင်းနဲ့မှ ဆရာများနေ့ အခမ်းအနားကို နေပြည်တော်မှာ လုပ်တယ်ဆိုတာတွေ့လိုက်လို့ အပြေးအလွှား Post တင်လိုက်ရတာပါ။ ဘာရေးရမှန်းကို မသိသေးဘူးဗျ။

ဆရာဆိုတာ ဘာလဲ။ ဘယ်လိုလူတန်းစားလဲ။ သူကဘာလုပ်တာလဲ။ ဆရာ ဆရာ ဆရာ တဲ့ ...

Post အသစ်မတင်ဖြစ်တဲ့အကြောင်း

ကျွန်တော်တို့သုံးနေတဲ့ iPStar ကဒေါင်းသွားတယ်ဗျ။ ဒေါင်းရတဲ့အကြောင်းကလည်း ကျွန်တော်တို့ဆီကို ဖုန်းသုံးစွဲခ ၂ နှစ်စာ ၁၂၀၀၀၀ ကျပ် ကျသင့်ကြောင်း တောင်းခံလွှာရောက်လာပါတယ်။ အဲဒီအကြွေးမပေး ရသေးလို့ပါတဲ့။ နောက်စာမေးပွဲတွေကနီး အလုပ်ကတော်တော် များနေတာကြောင့်ပါဗျာ။ 

ကောင်းမွန်တဲ့ Soft Ware များတဲ့

ကောင်းမွန်တဲ့ Soft Ware များ အကြောင်းရေးပါလို့ ကိုTayzar ကလာပြောသွားပါတယ်။

မရေးရသေးဘူးဗျ။ စဉ်းစားတုန်း အဟီး။ ကျွန်တော်က ဟိုစပ်စပ် ဒီစပ်စပ်သမားဆိုတော့ သိပ်မသိဘူးဗျ။ လာပြောသွားတဲ့သူကိုတောင် အားနာမိတယ်။

ကျူတာအောင်စာရင်း ထွက်ပြီ

မနေ့က ၃၁-၈-၀၉ နေ့မှာ Tutor / Demonstrator အောင်စာရင်းထွက်ပါတယ်။ အနေနီးတဲ့ ၃ ယောက်ထဲမှာ ၂ ယောက်ပဲ ကျူတာဖြစ်သွားတယ်။ ဇာဇာမိုးက ရေနံချောင်း၊ သူဇာနွယ်က ရန်ကုန်အရှေ့ပိုင်းတက္ကသိုလ်တဲ့။ ပါသွား တဲ့သူတွေအတွက် ၀မ်းသာရသလို မပါတဲ့ ၀ါဝါအတွက်လည်း စိတ်မကောင်းဖြစ်မိပါတယ်။ မပါသွားတာ ကံကောင်း တာလား၊ ကံဆိုးတာလားကတော့ ငွေရောင်ပိတ်ကားပြင်ပေါ်မှာပဲ ဆက်လက်စောင့်ကြည့်ရမှာပါ။

မင်္ဂလာများ

မွေးနေ့ရှင် သမီးကြီး ကြော့စန္ဒီသွယ်

သမီးငယ် မျိုးမြတ်မေကြည်

အန္တရာယ်ကင်း ပရိတ်ရွတ်ခြင်း၊ သမီးကြီး (၉) နှစ်ပြည့် မင်္ဂလာ၊ သမီးငယ် အမည်ပေး ကင်ပွန်းတတ်မင်္ဂလာ တို့ကို ဒီနေ့မနက် ၅ နာရီ ခွဲက စတင်ခဲ့ပါတယ်။ ဒီနေ့လုပ်တယ်ဆိုပေမယ့် မနေ့ကတည်းက တစ်နေကုန် အလုပ်ရှုပ်နေ ကြတာပါ။ ကျွန်တော်က CHRD ကွန်ပျူတာသင်တန်း တဖက်နဲ့ဆိုတော့ သိပ်လှည့် မကြည့်ဖြစ်ခဲ့ပါဘူး။ ကျွန်တော့်ယောက်ဖ ကိုကျော်ကြီး၊ ဥပဒေဌာနက ကိုခင်မောင်စန်း၊ သင်္ချာဌာနက ကိုအောင်မင်း တို့နဲ့ ကျွန်တော့် မဟေသီတို့ တိုင်ပင်ပြီးလုပ်သွားကြတာပါ။ ခင်ဝါ၀ါကျော်၊ ဇာဇာမိုးတို့လည်း မနေ့ကရောက်လာကြပြီး သူဇာနွယ်နဲ့ အတူ မနေ့မနက်ကတည်းက စလုပ်နေကြတာပါ။

ဒီပွဲရဲ့ဒါရိုက်တာ ဦးခင်မောင်စန်းပါ။

ကိုအောင်မင်းကလည်း အားရပါးရမွှေနေလေရဲ့။

တစ်နေ့လုံး လုပ်နေကြတာ ည ၁နာရီလောက်မှ အိပ်ရာဝင်သွားကြပါတယ်။ ကိုကျော်ကြီးနဲ့ ကိုအောင်မင်းတို့ ကတော့ မအိပ်ကြပါဘူး။ ဒီနေ့မနက် ၄ နာရီမှာ အိပ်နေသူတွေ အကုန်ထပြီး လုပ်ငန်းပြန်စကြပါတယ်။

သံဃာရာမကျောင်းကဆရာတော်ဘုရားကြီးဦးဆောင်တဲ့သံဃာတော်အရှင်သူမြတ်များကိုဆွမ်းကပ်ပါတယ်။

ဆရာတော်ဘုရားက တရားရေအေးချီးမြှင့်ပြီး ပရိတ်တရားများနှင့် ချီးမြှင့်ပါတယ်။

 

တခြားသူတွေကို သိပ်မဖိတ်ဖြစ်ပါဘူး။ အဆောင်ထဲက အဆောင်မှူးနဲ့ တခြားသူတွေကို ချိုင့်ပို့ပေးပါတယ်။ အပြင်ကတော့ ကျွန်တော့ HRD ကွန်ပျူတာသင်တန်းက သင်တန်းသားတွေ၊ ဒုတိယနှစ် Stat ကကျောင်း သားတွေ အဲလောက်ပဲဗျ။

ဒေါ်သင်းသင်းမော်တို့ မိသားစု

ဒေါ်ဌေးဌေးဝင်းပါ။

H2 ကကလေးတွေပါ။

ဒုတိယနှစ် Stat က ကလေးတွေပါ။

သမီးကြီးမွေးနေ့ကိတ် လှီးနေချိန်မှာတော့ ကျွန်တော်ကသင်တန်းကို ပြန်သွားရပါပြီ။ ဒါသူတို့ရိုက်ထားတဲ့ ပုံ တွေပါ။

Pagemaker, InDesign နှင့် ဇော်ဂျီ...

Pagemaker, InDesign နှင့် ဇော်ဂျီ... အကြောင်း ဗဟုသုတရစရာတွေဖြစ်တာကြောင့် တဆင့်ပြန်လည် ဖောက်သည်ချ လိုက်တာပါ။ ပညာအများကြီးရတဲ့အတွက် http://mmbloggershelpdesk.blogspot.com ကနေ ကူးယူ မျှဝေထားတာပါ။

ဦးရန်အောင် က ဒီလိုပြောပါတယ်။

Pagemaker မှာ ဇော်ဂျီဖောင့် သုံးလို့ ရမရ တစ်ယောက်ကမေးလာတာကြောင့် ကျွန်တော် pagemaker ကို ဒေါင်းလုပ်ချပြီး စမ်းကြည့်ပါတယ်. အဆင်မပြေပါဘူး. နောက်ဆုံး အကြံကုန်လာတာနဲ့ Alpha Mandalay က ဦးရဲမြတ်သူဆီကို အီးမေးလ် ပို့ပြီး မေးမြန်း အကူအညီတောင်းကြည့်ပါတယ်. ကျွန်တော့်အထင် ၁၅ မိနစ် လောက်အတွင်းမှာပဲ ဦးရဲမြတ်သူဆီက စာပြန်လာ ပါတယ်။ ကျွန်တော်တစ်ယောက်တည်းအတွက်သာမက အများအ တွက်ပါ အကျိုးများစေနိုင်မယ့် သိမှတ်ဖွယ်ရာ ဗဟုသု တလေးတွေ ပါနေ တာကြောင့် ဦးရဲမြတ်သူ ဆီကခွင့်တောင်းပြီး အားလုံးအတွက် ပြန်လည်ဝေမျှလိုက်ပါတယ် ခင်ဗျာ. တတ်သိနားလည်သူများအနေနဲ့ ကော်မန့်မှာ ပါဝင်အကြံပြုဆွေးနွေးပေးဖို့လည်း နွေးထွေးစွာ ဖိတ်ခေါ်ပါတယ်။

ဦးရဲမြတ်သူဆီကပြန်စာပါ။

မင်္ဂလာပါ ကိုရန်အောင်

Pagemaker ဟာ ကျွန်တော်တို့မှီသမျှပြောရရင် windows 3.1 တုန်းက ပိုင်ရှင်တစ်ဦးပါ။ ဒီအရင်ကတော့ apple မှာပဲ ရှိပါတယ်။aduld လားမသိပါ။ နောက် adobe ကနေဝယ်လိုက်ပါတယ်။ adobe ဟာ pdf တွေ photoshop တွေ ထုတ်တဲ့ software ဆရာကြီးပါ။ နောက်ပြီးသူ့လက်ထဲမှာ Pagemaker ဆိုတဲ့နာမည်နဲ့ version အသစ် မထုတ်ဘဲ InDesign ဆိုပြီးထုတ်ပါတယ်။ InDesign ဟာ Pagemaker file ကို ဖတ်ပါတယ်။ unicode လဲ support လုပ်ပါတယ်။

ခင်ဗျားမှတ်မိသေးလားတော့မသိဘူး အရင်က foxpro ကို တော်တော်သုံးခဲ့ကြရာက Microsoft က ဝယ် တယ်ပြီးတော့ access ကို ဆွဲတင်ပြီး fox ကိုထားခဲ့ပါတယ်။ ဒီလိုဘဲ wordperfect ကို corel draw က ဝယ်တယ် xera ကို ဝယ်တယ်။ market ဝေစုပြိုင်ကြပေါင်းကြ လုကြတာပါ။

ဆိုလိုချင်တာက VB6 မှာတုန်းက MS လည်း unicode support မလုပ်ပါဘူး dotnet ခေတ်ကျမှ လုပ်ပါတယ်။ Pagemaker လည်း သူ့ခေတ်မှာ unicode မရှိပါဘူး unicode ခေတ်ကောင်းလာတာ မကြာသေးဘူးလို့ပြောလို့ ရပါတယ်။ Microsoft တောင် အရင် office တွေ မှာ windows မှာ multilanguage အတွက် unicode မသုံး ပါဘူး၊ အခြား encode standard တွေရှိပါတယ်။ ဒီတော့ Pagemaker ဟာ unicode ကို အဲဒီနာမည်သုံးစဉ် support မလုပ်ဘူးဆိုနိုင်ပါတယ် adobe လက်ထဲရောက်တော့ Pagemaker အမည်ကနေ InDesign လို့လဲ ပြောင်းရော မြန်မာတွေက လိုက်မသုံးကြတော့ပါဘူး အစွဲအလန်းကြီးတယ်လေ။

တကယ်လို့သာ Pagemaker 10 တို့ ဘာတို့ဆိုပြီးထုတ်ရင်တော့ သုံးကြမယ်လို့ထင်ပါတယ်။ InDesign ဟာ world Publishing လောကရဲ့ပြောင်းလဲလာတဲ့ trend အတွက်ထုတ်တာဖြစ်လို့ မြန်မာနဲ့ ကိုက်ချင်မှကိုက် ပါမယ်။ သူ့မှာ font converter ကအစ script management တွေအဆုံး အရမ်းကောင်းတာတွေ ပါပေမဲ့ software အလကားရနေတာတောင် စမ်းသုံးခံရတာ နည်းနေပါသေးတယ်။

ဇော်ဂျီနဲ့ပတ်သက်လို့ကတော့ ဇော်ဂျီဟာ ကျွန်တော်ပိုင်မဟုတ်ဘဲ သုံးစွဲသူများအားလုံးပိုင်တဲ့ web 2.0 ပစ္စည်း တခုပါ။ အားလုံးကောင်းဖို့ ဝိုင်းလုပ်ကြတာကို ချီးကျူးပါတယ်။ ကျွန်တော်အာမခံနိုင်တာ တစ်ခုက 5.1 ပေါ်လာ တာ လမ်းအသစ်တခုပါ။ ဇော်ဂျီမပျောက်နိုင်ပါဘူးဆိုတာပါပဲ။ ဇော်ဂျီမပေါ်ခင်ကတည်းက myanmar font storage standard ဆိုတာရှိပါတယ် 4.1 ပါ 3 years ကြားခံပါတယ်။ သုံးတဲ့သူသာသိပ်မတွေ့ရတာပါ။ သူလည်း ရရစ် တစ်ခုတည်းသိမ်းပြီးပြောင်းပေးပါတယ်။

အခု 5.1 ပေါ်လာတာလည်းကောင်းပါတယ်။ MS office 2007 မှာ 5.1 fully support လုပ်ပါတယ်။ သို့သော် zawgyi ကို လက်ခံပါတယ်။ ဇော်ဂျီရိုက်မရအောင် MS google စတာတွေက မလုပ်ဘူးလို့  ကျွန်တော်ယုံတယ်။ မြန်မာ အချို့ကတော့ ဒီလိုဖြစ်အောင် လုပ်ကောင်းလုပ်နိုင်ပါတယ်။

ဇော်ဂျီကို အာမခံတာဟာ 5000-10000 ကြားမှာရှိတဲ့ web content တွေကြောင့်ပါဘဲ။ လက်ရှိအချိန်မှာ migration stage ကိုမကျော်ဘဲ encode စနစ်အသစ် မဖြစ်နိုင်လို့ပါ။ ဇော်ဂျီနဲ့ပတ်သက်လို့ နည်းနည်းပါးပါး ပြောင်းချင်တာတောင် user group ကြီးကြောင့် keyboard input မှာဘဲ လွတ်လွတ်လပ်လပ် ပြောင်းရ ပါတယ်။

ရေးချင်တာက DTP မှာ Ascii ကို zawgyi ရော unicode ကရော နေရာဝင်မယူနိုင်သေးဘူး၊ ဇော်ဂျီ ယူတာ နေရာအသစ်။ ဒီလိုပဲ 5.1 ပေါ်လာရင် သူနေရာရမရတော့ မသေချာသေးဘူးရခဲ့ရင်လဲ အသစ် ဖြစ်ပါလိမ့်မယ်။ တစ်ခုတော့ရှိတယ် ကျွန်တော်တို့ဆီမှာ standard လုပ်သူမရှိတော့ Ascii က စံမဟုတ်တဲ့ မြန်မာစာ ဖြစ်နေ တယ်။

တကယ်တော့ နိုင်ငံတကာမှာ Ascii standard ရှိ တယ်။ zawgyi လဲ nonrendering unicode ဒီဖက်တိုစတန်းဒတ်ဘဲ၊ render မရှိလို့ standard မဖြစ်ရဘူးဆိုရင် ၊ mobile phone, MP3, mp4 player, DVD , sattlite resiver, poctet PC,.....industial using myanmar font,....စတာတွေလည်း ဘယ်တော့မှ စတန်းဒတ်နဲ့မဖြစ်လာနိုင်ဘူး။ ပြောရင်းရှည်သွားပြီ။ ဆိုလိုချင်တာ က solution ကို ရောင်းကြတဲ့ ခေတ်မှာ အစွဲကင်းသင့်တယ်။

Pagemaker ကအဆင်ပြေရင် Ascii OK ရင် မပြောင်းစေချင်ဘူး DTP မှာ ပြောင်းဖို့ လိုရင် word သို့မဟုတ် InDesign လို ဘက်ကိုလေ့လာစေလိုတယ်။ searchable ဖြစ်မယ် unicode အစွမ်းနဲ့။ zawgyi လဲ type phase design 4 ခုထပ်ထွက်ဖို့ ရှိတယ် dtp မှာ OK သို့ သော် web မှာ ဖောင့်မရှိရင် လေးထောင့်အတုံးလေးတွေ မပေါ် အောင် family font ကိစ္စစမ်းနေကြတယ်။

စာရှည်သွားပြီ

ရဲမြတ်သူ

H1N1 ကာကွယ်ဆေး

ဝက်တုပ်ကွေး(H1N1) ကာကွယ်ဆေး စက်တင်ဘာမှာ စ သုံးနိုင်တော့မှာ ဖြစ်တယ်လို့ သတင်းတစ်ပုဒ် ကြား လိုက်ရတာကို မူရင်းအတိုင်း ပြန်လည် မျှဝေလိုက်ပါတယ်။

ကမ္ဘာမှာ ၀က်တုပ်ကွေး ကာကွယ်ဆေးကို နိုင်ငံ ၅ နိုင်ငံမှာ စတင်စမ်းသပ်နေပြီး နောက်လမှာ စပြီး သုံးစွဲလို့ရ တော့မယ်လို့ WHO ကမ္ဘာ့ကျန်းမာရေးအဖွဲ့ကြီးက ပြောပါတယ်။ သြစတြေးလျ၊ ဗြိတိန်၊ ဂျာမဏီ၊ တရုတ်နဲ့ အမေရိကန် ပြည်ထောင်စုတို့မှာ ဆေးကို လူသားတွေနဲ့ စတင်စမ်းသပ်နေပြီလို့ WHO ကာကွယ်ဆေး သုတေ သနဌာန အကြီးအကဲ မာရီယာ ပေါ်လီ ကင်နီက ကြာသပတေးနေ့မှာပဲ ပြောသွားခဲ့ပါတယ်။ တခြားနိုင်ငံတွေမှာ လည်း ရက်ပိုင်းအတွင်း စပြီး တုပ်ကွေးဆေး စမ်းသပ်မှာ ဖြစ်တယ်၊ စမ်းသပ်ပြီး ရတဲ့အဖြေကို တလအတွင်း သိရှိ နိုင်မှာ ဖြစ်တယ်လို့ သူကပဲ ဆိုပါတယ်။ ကတိုက်ကရိုက် ထုတ်ယူခဲ့ရတဲ့ ကာကွယ်ဆေးမို့ စိတ်မချရဘူးဆိုတဲ့ပြော ဆိုချက်တွေဟာ မမှန်ကန်ကြောင်းလည်း မစ္စကင်နီ က ပြောပါတယ်။ တချို့လူတွေကတော့ ကိုယ်ပူတာမျိုး၊ မူးဝေတာမျိုးလို ဘေးထွက်ဆိုးကျိုးတွေ ခံစားရနိုင်တယ်၊ ဒါပေမဲ့ ဆိုးရွားတဲ့ အခြေအနေနဲ့ ကြုံဖို့တော့ သိပ်ရှား ပါတယ်၊ လူအများစုအတွက် အဆင်ပြေမှာပါလို့ သူက ပြောပါတယ်။

ကမ္ဘာတလွှားမှာ ၀က်တုပ်ကွေးမိသူပေါင်း ၁၆၂,၀၀၀ ကျော်ပြီး သေဆုံးသူ စုစုပေါင်း ၁,၁၅၄ ဦး ရှိသွားပြီလို့ WHO ရဲ့ နောက်ဆုံး အစီရင်ခံစာမှာ ပြောထားပါတယ်။

ဒဒှေး ဒုက်ခပေးနသေလား

စာစီစာရိုက် လုပ်တဲ့အချိန် ဒဒွေးရိုက်လို့မရဘဲ ဒုက္ခပေးနေပါသလား။ MZ Forum မှာဆွေးနွေးထားတာတွေကို စုစည်းဖော်ပြလိုက်ပါတယ်။

ရေးသားသူ ကိုZulu
ဒဒှေး ဒုက်ခပေးနသေလား
InDesign ... Edit > Preference > Type ကိုဖွင့်ပြီး Use Typographer's Quotes ကို Uncheck လုပ်ပါ။
Illustrator ... File > Document Setup > Type ကိုဖွင့်ပြီး Use Typographer's Quotes ကို Uncheck လုပ်ပါ။
Photoshop ... Edit > Preference > Type ကိုဖွင့်ပြီး Use Smart Quotes ကို Uncheck လုပ်ပါ။
PageMaker 7 ... File > Preference > General > More > Use Typographer's Quotes ကို Uncheck လုပျပါ။
Corel Draw 12 ... Tools > Options ကိုဖွင့်ပြီး အဲဒီထဲက Text > QuickCorrect ကိုထပ်ဖွင့်ပါ။ အဲဒီမှာမှ ညာဘက်ခြမ်းမှာ အပေါ်ဆုံးဒုတိယတခုဖြစ်တဲ့ Change Straight quotes to typographic quotes ကို Uncheck လုပ်ပေးပါ။ (အပေါ်ဆုံးတခုကိုလည်း Uncheck လုပ်ထားဖို့လိုမယ်ထင်ပါတယ်။ သူကတော့ စာကြောင်းရဲ့ ပထမဆုံးစာလုံးတွေကို Capital စာလုံးလုပ်ပေးဖို့ဖြစ်ပါတယ်။ မြန်မာစာအတွက်ဆိုရင် အဲဒါကို Uncheck လုပ်ထားပါ။)
Microsoft Word ... Tools > Auto Correct ကိုဖွင့်ပါ။ အဲဒီထဲက Auto Format As You Type ကိုထပ်ဖွင့်ပါ။ အပေါ်ဆုံးမှာရှိတဲ့ Straight quotes with Smart quotes ကို Uncheck လုပ်ပေးပါ။
ဒါဆိုရင် ဒဒွေး ဒုက္ခမပေးနိုင်တော့ပါဘူးလေ။ အားလုံးပြုံးပျော်ကြပါစေဗျား ...

ရေးသားသူ ကိုicefirester
pmd ရဲ့ ဖြေးရှင်းနည်းအသေးစိတ်ကို တင်ပြဆွေးနွေးပါမယ်..
Pmd အားလုံးမှာ file new တောင်းခံသည့်အချိန်၊ Word (သို့) powerpnt ထဲက စာသားတွေကို Pmdသို့ ကူးယူတဲ့ အချိန် ဖြစ်ပေါ်လေ့ရှိပါတယ်…
Pmd အားလုံးမှာ မှာ file - Preferences - General…. – More… - Use typographer’s – quotes ထဲက Uncheck လုပ်ပါ။အဆင်ပြေပါမယ်.
Office 2007 Microsoft Word မှာဆိုရင် office Button – Word Options – Proofings –Auto correct Option… - AutoFormat As you type – ‘’strainght quotes’’ with “smart quotes” ကို Uncheck လုပ်ပါ
Office 2007 Microsoft PowerPoint မှာဆိုရင် အထက်ပါနည်းလမ်းအတိုင်းပါပဲ။
Office 2007 Microsoft Excel မှာဆိုရင် cell တစ်ကွက်ထဲမှာ``ဒ နဲ့ ဓ ´´ ကို တစ်လုံးတည်းထားရှိအသုံးပြုလို့ မရပါဘူး။
IT pro သမားတွေရဲ့ ပြဿနာရှင်းလင်းနည်းတွေက အမျိုးမျိုးဖြစ်နိုင်ပါတယ်.. အလွယ်ကူဆုံးနည်းများကိုသာ စာဖတ်သူသုံးစွဲပါ..
အဆိုပါ ကိစ္စရပ်တွေဟာ font နဲ့ပတ်သက်ပြီ fake ကိစ္စများကြောင့်သာဖြစ်ပါတယ်.. စာဖတ်သူ လေ့လာမည်ဆိုပါက Computer Magazine no.6 October 2007 မှာပါတဲ့ ယူနီကုတ်ဆိုတာ ချိုနဲ့လား title ကိုလေ့လာပါ။


ရေးသားသူ ကို clear
pagemaker မှာပေါ့ဗျာ။ ဒနဲ့ဓ ပြသနာကို ctrl+Alt နှိပ်ပြီးရိုက်ရင်လည်းဖြေရှင်းနိုင်ပါတယ်။ ဒါပေမယ့် တစ်ကြိမ်ရိုက်ရင်တစ်ကြိမ်နှိပ်ရိုက်ရမှာနော်။



မေးမြန်းသူ ကိုsuperior
PageMaker7 တွင် ဒ နှင့် ဓ အတွက် file>preference..>general..>More.. .. တွင်ပြင်ပြီးသော်လည်း ဒ ရိုက်လျှင် - ္လ သာပေါ်ပြီး ဓ ရိုက်လျှင် လေးထောင့်ကွက်သာပေါ်သည်။ ctrl+z ဆိုလည်းမရပါ။ ဘယ်လိုလုပ်ရပါ့ ၊
အမြန်ဆုံးဖြေကြပေးပါ။



ပြန်ဖြေသူ ကိုyaung sein
PageMaker ကို ဖွင့်ဖွင့်ချင်း စာရွက် new မခေါ်ခင်ပြင်ပါ။



မေးမြန်းသူ ကိုkyawkyar
hello
Icefirester

may i know more about Myanmar font to use in pagdmaker and ms word
how to get Myanmar(parli and others) font and how to install and to use.

And then i want to know and get how to type Maths font in both word and page maker.

i am waiting your help

thank a lot

yours



ပြန်ဖြေသူ ကိုicefirester

ကျွန်တော် ဘာသာပြန်တာ လွဲနေတာလားခင်ဗျာ...
၁ ကတော့ parli စာတွေကို ဘယ် fonts တွေမှာ ရနိုင်သလဲ၊ fonts ကို ဘယ်လိုထည့်ရမလဲ၊ နောက် တစ်ခုက တော့ သိပ်နားမလည်ဘူး။ icefirester@gmail.com သို့မဟုတ် iceos.22web.net ကနေ ဆက်သွယ်မေး နိုင်ပါတယ်။ fonts တွေ စုစည်းထားတာ ရှိပါတယ်။ ဘယ်လို့ Install လုပ်ရမလဲ၊ သုံးရမလဲဆိုတာ စာရေးသား ပြီး ပေးပို့ပေးပါမယ်။ လိပ်စာတော့ ပေးပါခင်ဗျာ.. ကျေးဇူးတင်လျက်...ရေခဲ




ပြန်ဖြေသူ ကိုYe Htet

ဒါကို ကိုရေခဲကြီး အစား ကျွန်တော်ဖြေလိုက်ပါတယ်။ သင်္ချာ စာလုံးရိုက်ဖို့ Office 2003 တင်တုန်းက Equation Editor တင်ခဲ့ရင် အဲဒါနဲ့ရိုက်လို့ရတယ်ဗျ။ Office 2007 ဆိုရင်တော့ သူ့ဟာသူ တင်ပေးပြီးသား ဖြစ်နေတတ် ပါတယ်။ Page Maker အတွက်ရော Office အတွက်ပါ သုံးလို့အဆင်ပြေတာကတော့ Math Type ဖြစ်ပါတယ် ခင်ဗျား။ ကျွန်တော်ကတော့ သင်္ချာ ရိုက်ရင် Latex သုံးပါတယ်။ Latex အကြောင်းကတော့ ကိုလူပျိုကြီး က ပိုသိတယ်ဗျ။

Anti Virus Software ကောင်း မကောင်းစမ်းကြမယ်

European Institute for Computer Antivirus Research (EICAR) ကစီစဉ်ပေးထားတဲ့ AntiVirus တွေကိုစမ်းဖို့ Text String လေးပါ။ အဲဒီ Text တွေကို Notepad ထဲမှာ ရိုက်ထည့်လိုက်ပြီး ကြိုက်သလို Save လုပ်လိုက်။ .txt အနေနဲ့လုပ်လဲရပါတယ်။ Copy Paste လုပ်တာပိုလွယ်ပါတယ်။ တင်ထားတဲ့ Anti virus က အဲဒီဖိုင်ကို Virus လို့ပြောမှာသေချာတယ်။ အဲဒီလိုမှ မပြောရင်လဲ အဲဒီ Anti virus ကို သုံးမနေပါနဲ့တော့။ EICAR Text String ကတော့

X5O!P%@AP[4\PZX54(P^)7CC)7}$EICAR-STANDARD-ANTIVIRUS-TEST-FILE!$H+H*


သင်္ချာအိုလံပစ် ၂၀၀၉

သင်္ချာအိုလံပစ် ၂၀၀၉ ကို ၁၀-၇-၂၀၀၉ မှ ၂၂ -၇-၂၀၀၉ ထိ ဂျာမဏီနိုင်ငံ တွင်ကျင်းပပြုလုပ်ခဲ့ပါတယ်။ သင်္ချာအိုလံပစ် မေးခွန်းပုံစံမှာ ၂ ရက်ဖြေရပါတယ်။ ပထမနေ့ မေးခွန်းတွင်မေးခွန်း ၃ ပုဒ်ပါပြီး ၄ နာရီခွဲ အချိန်ရပါတယ်။ ဒုတိယနေ့ လည်း မေးခွန်း ၃ ပုဒ်၊ အချိန် ၄ နာရီခွဲ ရပါတယ်။ တစ်ပုဒ်ကို ၇ မှတ်ပေးပါတယ်။ ဒီနှစ်မေးခွန်းတွေကတော့

ပထမနေ့
ဒုတိယနေ့
သင်္ချာဝါသနာ ပါသူတွေ စမ်းဖြေကြည့်ကြပါဦးလို့ တိုက်တွန်းလိုက်ပါရစေ။

DNS Cache ဆိုသည်မှာ

DNS Cache ဆိုသည်မှာ ကျွန်တော်တို့ ၀င်ရောက်လည်ပတ်ခဲ့တဲ အင်တာနက်လိပ်စာများကို သိုလှောင်ထား ပေးတဲ့ နေရာပါ။ အင်တာနက် အသုံးပြုသူဟာ ၀င်ရောက်အသုံးပြုနေကျ ဆိုက်ရဲ့ လိပ်စာကို ရိုက်ထည့်လိုက် တာနဲ့ သက်ဆိုင်ရာဆိုက်နဲ့ချိတ်ဆက် ထားတဲ့ IP Address ကို cache တွင်ဦးစွာ ရှာဖွေပေးခြင်းဖြင့် ခရီးလည်း တို အချိန်ကုန်သက်သာပြီး အင်တာနက်အသုံး ပြုမှုကို မြန်ဆန်သွက်လက်စေပါတယ်။ ရှာဖွေလိုတဲ့ address မရှိဘူးဆိုမှ နောက်တဆင့်အနေနဲ့ Internet မှာရှိတဲ့ DNS Cache Server မှာ ထပ်မံရှာဖွေပေးတာမို့ ခရီးလည်း ရှည် အင်တာနက်အသုံးပြုမှုကို နှေးကွေး လေးလံစေပါသည်။ ၀င်ခဲ့တဲ့ လိပ်စာတွေကို DNS Cach က များများ သိမ်းဆည်းပေးနိုင်ဖို့အတွက် Cache ၏ size ကို တိုးပေးဖို့လိုသည်။ DNS Cache size ကိုတိုးမြှင့်ခြင်းဖြင့် အင်တာနက်အသုံးပြုရာတွင်ပိုမြန်စေပါတယ်။ ဘယ်လိုတိုးကြမလဲ ပေါ့ဗျာ။

1. Start —-> Run —– > Type Regedit ရိုက်ပါ။
2. HKEY_LOCA L_MACHINE \SYSTEM\CurrentControlSet\Services\Dnscache\Parameters’ ကိုရောက်အောင်သွားပါ။
3. ညာဘက် white blank မှာ right click နှိပ် New ကိုနှိပ် DWORD values ကိုရွေးပါ။
4. ပြီးလျှင် CacheHash TableBuck etSize ကိုရိုက်ပါ။
5. ပြီးလျှင် right click နှိပ် Modify ကိုရွေးပြီး 0 နေရာမှာ 1 လို့ပြောင်းရိုက်ပါ။

CacheHash TableBucketSize = 1 (လုပ်စရာမလိုတော့ပါ)
အောက်မှစာကြောင်းများကိုလည်း အဆင့် ၃ မှ အဆင့် ၅ အထိ ပုံစံတူလိုက်နာလုပ်ဆောင်ပါ။
CacheHash TableSize = 180
MaxCacheE ntryTtlLi mit = ff00
MaxSOACac heEntryTt lLimit = 12d

Exit လုပ်ပြီး Restart ချလိုက်ပါ။
http://tabinshwehtee.focusburma.com မှကူးယူဖော်ပြထားတာပါ။

web page တွေ loading time မြန်လာအောင်

web page တွေ loading time မြန်လာအောင် လုပ်တဲ့နည်းပါ။ တစ်ကယ်လည်းမြန်လာပါတယ်။ ISP က သာ မကောင်းနေရင်တော့ စိတ်လျှော့လိုက်ပေါ့။ သူတင်ကိုယ်တင် ပြိုင်ဆွဲရတာမျိုးဆို နှာတစ်ဖျားသာသွားတယ်။
ပထမဦးဆုံး start\run\regedit ရိုက် ပြီးရင် enter နှိပ်လိုက်ပါ။

HKEY LOCAL MACHINE\SYSTEM\CurrentControlSet\Services\Tcpip\ServiceProvider

ရောက်အောင် အဆင့်ဆင့်သွားလိုက်ပါ။

အောက်မှာ ပေးထားတဲ့ ငါးခုရဲ့ hexadecimal value ကို 1 လို့ ပြောင်းပေးလိုက်ပါ။
1.Class=1
2.DnsPriority=1
3.HostsPriority=1
4.LocalPriority=1
5.NetbtPriority=1
ပြီးရင် reboot လုပ်ပါ။ မြန်သွားပါလိမ့်မယ်။

http://tabinshwehtee.focusburma.com မှကူးယူဖော်ပြထားတာပါ။

Search Engine

အင်တာနက် သုံးစွဲသူများဟာ ကိုယ်လိုချင်တဲ့ အချက်အလက် ရဖို့ Search Engine တွေမှာ အများဆုံး ရှာဖွေ ကြပါတယ်။ အဲဒီလိုရှာရာမှာ တခါတရံမှာ ကိုယ်လိုချင်တဲ့ အချက်အလက်ကို SE (Search Engine) က ရှာပေး ရာမှာ စိတ်တိုင်းကျတဲ့ ရလဒ်မျိုး မရရှိတတ်ပါဘူး။ ဘာလို့လဲဆိုတော့ သူရဲ့ ရလဒ် ကို ရှာဖွေပေးတာက လူမဟုတ် ဘဲ Web Spider (Web Crawler, Web Robot) ဆိုတဲ့ program လေးက ရှာဖွေ ပေးလို့ပါ။ သူက ဘယ်လို ရှာပေးလဲဆိုတော့

ကိုယ်ရိုက်ထည့်လိုက်တဲ့ query (ရှာလိုတဲ့ စာသား) ပါတဲ့ Site တွေ မှန်သမျှကို လိုက်ရှာပြီး result ပြပေးခြင်း ကြောင့်ပါ။ ဒါကြောင့် တခါတရံမှာ ကိုယ်ရှာတဲ့ အကြောင်းအရာ query ကို စာသား အကြောင်းအရာနဲ့ ဆိုင်တဲ့ အချက်အလက် တစ်ကြောင်းနှစ်ကြောင်းလောက်သာ ပါဝင်တဲ့ site တွေပါ result မှာ တွေ့ရမှာပါ။ ဒီလိုရလဒ် မျိုးတွေထက် ပိုပြီးတိတိကျကျရှာဖွေ ချင်တယ်ဆိုရင်တော့ Advanced Web Search ကိုသုံးပြီး ရှာနိုင်ပါတယ်။ ဒီလို Advanced Web Search ကို နာမည်ကျော် Search Engine တော်တော်များများမှာ ၀န်ဆောင်မှုပေးထား ပါတယ်။ ဥပမာ - Google ရဲ့ Google Advanced Web Search Form ကို ဖြည့်၍ ရှာခြင်းဖြင့် လိုချင်တဲ့ အချက် အလက်ကို တိတိကျကျ ရှာလို့ရပါတယ်။

တချို့ အကြောင်းအရာတွေ ဥပမာ Music, Game, Sports & Travel စတဲ့ အရှာများတဲ့ အကြောင်းအရာတွေ ကို ရှာဖွေရာမှာ စိတ်တိုင်းကျ ရလဒ်မျိုး မရခဲ့ရင်တော့ Topic တူ အကြောင်းအရာ တူတွေ စုစည်းပေးထားတဲ့ Topic Directory ကနေ ရှာဖွေတာက ပိုကျေနပ်ဖို့ ကောင်းပါလိမ့်မယ်။ ဒီလို Directory Search ကို နာမည် ကျော် Search Engine တွေမှာ ရရှိနိုင် ပါတယ်။ သူ့ကို Topic Directory, Category List, an Index, Directory စသည်ဖြင့် ခေါ်ဝေါ်ကြပါသေးတယ်။

Search Engine တွေမှာ ဒီလို Directory Search တွေအပြင် File Extension နဲ့ ကိုယ်လိုချင်တဲ့ ဖိုင် အမျိုးအ စားတွေကိုလည်း ရှာလို့ ရနိုင် ပါတယ်။ ဥပမာ ကိုယ်က mp3 ဖိုင် ရှာချင်တယ် ဆိုပါစို့ index of mp3 လို့ ရိုက် ထည့်ပြီး ရှာလိုက်လို့ ရပါတယ်။ ဒါဆိုရင်သူက mp3 ဖိုင် ရနိုင်တဲ့ ဆိုဒ်တွေကို လာပြပေးမှာပါ။ ဆိုဒ်ကို ကလစ်နှိပ် လိုက်ရင် သူကဆိုဒ်ရဲ့ Directory ကို ရောက်သွားမှာ ဖြစ်ပါတယ်။ အဲဒီလို mp3 ဖိုင် အပြင် တခြား wma, mov, exe စသည်ဖြင့် ကိုယ်ရှာလိုတဲ့ ဖိုင် extension ကို index of နောက်မှာ ထည့်ရှာလို့ ရပါတယ်။ ဖိုင် extension အမျိုးအစား အများကြီးကို တခါထဲ တန်းရှာချင်တယ် ဆိုရင်တော့

ဥပမာ - index of (wmv|mov|mp4|mpg|avi) ဆိုပြီး ရှာချင်တဲ့ extension တွေကို | လေးခြားပြီး ရှာနိုင် ပါတယ်။

သီချင်း ကြိုက်သူများ အတွက်ကတော့ Search Engine ကို အသုံးချစရာ နည်းလမ်းတွေ ရှိပါသေးတယ်။ နောက် ဆုံးထွက် latest သီချင်းတွေကို ရှာချင်တယ် ဆိုရင်တော့ ဒီကုဒ်လေးသုံးပြီး ရှာလို့ရပါတယ်။
-inurl:htm -inurl:html intitle:”index of” “Last Modified” mp3 လို့ ရိုက်ထည့်ပြီး သီချင်း အသစ် တွေကို ရယူနိုင် ပါတယ်။

mp3 မဟုတ်ပဲ တခြားဖိုင်လိုချင်ရင်လည်း mp3 နေရာမှာ လိုချင်တဲ့ ဖိုင် extension ကို ရိုက်ထည့်ပြီး နောက်ဆုံး update လုပ်ထားတဲ့ ဖိုင်တွေ ရနိုင် ပါတယ်။ သီချင်းဖိုင်ကို သီချင်းနာမည် ဒါမှမဟုတ် သီချင်းဆိုသူ အမည်နှင့် ရှာချင်တယ် ဆိုရင်တော့ -inurl:htm -inurl:html intitle:”index of” mp3 “guns n roses” ဒီကုဒ်ကို အသုံး ပြု ရှာနိုင်ပါတယ်။ အဲဒီ ကုဒ်ရဲ့ နောက်ဆုံး mp3 နောက်က ကွင်းထဲမှာ ကိုယ်ရှာချင်တဲ့ သီချင်းနာမည် ဒါမှမဟုတ် အဆိုတော် နာမည်ကို ပြောင်းထည့်ပြီး ရှာရုံပါပဲ။ ဒီလိုရှာခြင်းအားဖြင့် ဆိုဒ်ရဲ့ Directory ကို တိုက်ရိုက်ရောက် တာ ဖြစ်တာကြောင့် တခါတရံ Access Denined ဖြစ်တတ်ပါတယ်။ ဒါပေမယ့် အားသာ ချက်က virus တွေ spyware တွေ မကပ်နိုင်ပါဘူး။

နောက် Search Engine ကို လူသိနည်းတဲ့ အသုံးချစရာ နည်းလမ်း တွေလည်း ရှိပါသေးတယ်။ ဒါကတော့ Search Operators တွေကို သုံးပြီးရှာခြင်းပါ။ ဒီ Search Operators တွေကို နာမည်ကျော် Search Engine တော်တော် များများမှာ အသုံးချနိုင်ပါတယ်။ Search Operators တွေက query မှာ ပါတဲ့ စကားလုံး တွေကိုတွဲ ဆက် ပေးပါတယ်။ ဒီ Operators တွေ အကြောင်းကို Search Engine တွေရဲ့ Help pages တွေမှာလည်း ဖတ်ရှုနိုင် ပါတယ်။ Search Operators (၇) မျိုးရှိပါတယ်။ အဲဒါတွေကတော့ -

1. AND
2. OR
3. NOT
4. Quotation Marks
5. NEAR
6. Wildcards
7. Field Searches

တို့ဖြစ်ပါတယ်။

1. AND (+)

ဒီကုဒ်ကို ရှာလိုတဲ့ query နှစ်ခုလုံးပါတဲ့ result မျိုး လိုချင်ရင် သုံးပါတယ်။ ဥပမာ - railroad AND cars လို့ ရှာမယ် ဆိုရင် ရမယ့် result က railroad cars တွေအကြောင်း၊ railroad cars တည်ဆောက်ပုံ အကြောင်း၊ railroad မှာ လမ်းချော်တဲ့ cars တွေ အကြောင်း စတဲ့ railroad နဲ့ cars ဆိုတဲ့ စာသားပါတဲ့ စာမျက်နှာ တွေကို ပြပေးမှာ ဖြစ်ပါတယ်။ ဒီကုတ်ကို ရေးတဲ့ အခါမှာ Operator သုံးရင် AND ကို အားလုံး အကြီးစာလုံးနဲ့ ရေးရပါ မယ်။ ဒါ့အပြင် AND အစား ( + ) သင်္ကေတအစားသုံးလို့ရပါတယ်။

2. OR

ဒီကုဒ် သုံးပြီး ရှာမယ် ဆိုရင်တော့ တစ်ခု မဟုတ် တစ်ခု လိုချင်တဲ့အခါ သုံးနိုင် ပါတယ်။ ဥပမာ - railroad OR cars လို့ ရှာလိုက်ရင် ရလဒ်က railroad ပေါ်က cars အကြောင်း ဖြစ်ချင် ဖြစ်မယ်၊ ဒါမှမဟုတ် railroad အ ကြောင်း ပဲပါတာမျိုး ဖြစ်ချင်ဖြစ်မယ်၊ cars အကြောင်းချည်းပဲ ပါတဲ့ စာမျက်နှာမျိုး တနည်းအားဖြင့် query နှစ်ခု ထဲက တစ်ခုခု ပါရင်ကို ရလဒ် လာပြပေးမှာ ဖြစ်ပါတယ်။ သူ့ကိုလည်း ရေးတဲ့အခါ OR ဆိုပြီး အကြီးနဲ့ပဲ ရေးရပါမယ်။

3. NOT (-)

ဒီ Operator ကိုတော့ မလိုချင်တဲ့ စာသားမျိုး မပါအောင် ရှာတဲ့နေရာမှာ သုံးပါတယ်။ ဥပမာ - railroad NOT cars ဆိုရင် Search Engine က railroad ဆိုတဲ့ စာသားပါပြီး cars ဆိုတဲ့ စာသားမပါတဲ့ စာမျက်နှာ တွေကိုသာ ရှာဖွေပေးမှာ ဖြစ်ပါတယ်။ ဒီ Operator ကို သုံးရင် မပါစေချင်တဲ့ စာသားကို NOT နောက်မှာ ထည့်ရပါမယ်။ Operator ကို လည်း NOT ဆိုပြီး အကြီးစာလုံးနဲ့ ရေးရပါမယ်။ NOT မရေးဘဲ ( - ) ဆိုတဲ့ သင်္ကေတလေး နဲ့ လည်းသုံးလို့ ရပါတယ်။

4. Quotation Marks
ဒီ Operator ကတော့ ရိုးရှင်းပါတယ်။ ရှာလိုတဲ့ query ကို ( “” ) လေးထည့်ပေးခြင်းပါ။ ဥပမာ - “green card” လို့ ရိုက်ထည့်ပြီး ရှာရင် သူက Immigration အချက်အလက်တွေ အကြောင်း ပြပေး မှာပါ။

5. NEAR

ဒီ Operator ကိုတော့ ရှာလိုတဲ့ keyword နှစ်ခုရဲ့ အကွာအဝေးနဲ့ ရှာတဲ့နေရာမှာ သုံးပါတယ်။ သုံးတဲ့နေရာမှာ NEAR နောက်ကပ်ရပ်မှာ / သင်္ကေတ ထည့်ပြီး သုံးရ ပါမယ်။ ဥပမာ - library NEAR/15 congress ဆိုရင် ရလဒ်က library နဲ့ congress ဆိုတဲ့ စာသား နှစ်ခု စကားစု ၁၅ စု အတွင်းမှာ ရှိနေတဲ့ စာမျက်နှာတွေကို ပြပေး မှာပါ။ Library Of Congress ဒါမှမဟုတ် Congress funds special library research လိုမျိုး စကားစု ၁၅ လုံး အတွင်းမှာ ရှိတဲ့ စာမျက်နှာတွေပြပေး မှာပါ။ အဲဒီ ဥပမာ ပြထားတဲ့ ၁၅ ဆိုတဲ့နေရာမှာ လိုချင်တဲ့ အကွာ အဝေး ထည့်ပြီး ရှာနိုင်ပါတယ်။ သူ့ကိုလည်း အားလုံး စာလုံး အကြီးနဲ့ ရေးရပါမယ်။

6. Wildcards ( * )

Asterisk ( * ) လို့ခေါ်တဲ့ ကြယ်ပုံ သင်္ကေတလေးရဲ့ တခြား အမည်က wildcard character လို့ခေါ်ပါတယ်။ ဒီ Operator ကိုတော့ အဓိပါယ် ဆင်တူတဲ့စာသားမျိုးတွေ ရှာရင် သုံးပါတယ်။ ဥပမာ - medic* ဆိုရင် result က medic, medics, medicine, medical, medication နဲ့ medicinal စတဲ့ medic နဲ့ဆင်တူတဲ့ စာသားပါတဲ့ စာမျက်နှာတွေ ရှာပေးမှပါ။

7. Field Searches

ဒီ Operator ကိုတော့ စာမျက်နှာရဲ့ title ဒါမှမဟုတ် URL မှာ ပါတဲ့ စာသားကို ရှာဖို့ သုံးပါတယ်။ ဥပမာ - T:Computer ဆိုရင် Web page ရဲ့ Title မှာ ဒါမှမဟုတ် URL မှာ Computer ဆိုတဲ့ စကားလုံးပါတဲ့ စာမျက်နှာ တွေကို ပြပေး မှာပါ။ ရှာချင်တဲ့ keyword ရှေ့မှာ T: ဆိုတဲ့ စာသား ရေးလိုက်ရုံ ပါပဲ။ ဒီလို T: နဲ့ Title အလိုက် ရှာတာအပြင် အခြား ကုဒ်တွေကို Code Search မှာ ကြည့်ရှုနိုင် ပါတယ်။ ဒီလိုဆိုရင်တော့ Search Engine တွေ ကို ကောင်းကောင်း အသုံးချလို့ ရလောက်ပြီလို့ ထင်ပါတယ်။

Search Engine တွေမှာ အထက်ကလို Operators တွေ အပြင် ရိုးရှင်းတဲ့ မေးခွန်းတွေကို သုံးပြီး ရှာလို့ရပါ တယ်။ ဥပမာ - movie + review လို့မရှာပဲ Where can I find music reviews? လို့ ရိုက်ပြီး ရှာနိုင် ပါတယ်။

လူသိများတဲ့ Search Engine အချို့ကတော့ -
# Google
# Yahoo!!
# msn
# Ask
# All The Web
# Lycos
# Gahoo Yoogle (Yahoo!!+ Google)
# Dog Pile (Yahoo!! + Google + msn + Ask)
# Baidu (Chinese Search Engine)
တို့ဖြစ်ကြပါတယ်။
http://tabinshwehtee.focusburma.com မှကူးယူဖော်ပြထားတာပါ။

တရားခံဘယ်သူလဲ

ပညာရေးဝန်ကြီး တစ်ဦးဟာ နယ်မြို့လေးက ကျောင်းတစ်ကျောင်းကို ကြည့်ရှုစစ်ဆေးဖို့ သွားရောက်ခဲ့ပါတယ်။ အတန်း တစ်တန်းထဲ ၀င်ကြည့်တော့ အခန်းထဲမှ ကမ္ဘာလုံးတစ်လုံး တင်ထားတာတွေ့လို့ ကလေးတွေရဲ့ ပညာ ရေး အခြေအနေ စစ်ဆေးဖို့ အကြံရလိုက်တယ်။ ဒါကြောင့် ကျောင်းသား တစ်ယောက်ကို "ဒီကမ္ဘာလုံးကြီးဟာ ဘာလို့ နှစ်ဆယ့်သုံး နှစ်ပိုင်း တစ်ပိုင်း ဒီဂရီ တိမ်းစောင်းနေရတာလဲကွ" ဆိုပြီး မေးလိုက်ပါသတဲ့။

အမေးခံရတဲ့ ကျောင်းသားလည်း ပျာပျာသလဲနဲ့ "ဒါ ကျွန်တော် လုပ်တာ မဟုတ်ပါဘူး" ပြန်ဖြေလိုက်ပါတယ်။ ၀န်ကြီးလည်း ကလေးတွေရဲ့ ပညာရေးအခြေအနေကို တော်တော်လေး စိတ်ညစ်သွား တယ်။ ဒါနဲ့ နောက်နား က ကျောင်းသားတစ်ဦးကို ထပ်မေးပြန်တယ်။ အဲဒီကျောင်းသားကလည်း ခေါင်းကလေး ခါပြီး "ကျွန်တော်က ဒီနေ့မှ ဒီအခန်းကို ပြောင်းလာတာခင်ဗျ။ကျနော်လုပ်လာ မဟုတ်ဘူး" လို့ပြန်ဖြေတယ်။
ဝန်ကြီးက ကလေးတွေ ပညာရေးအခြေအနေအပေါ် ဒေါသ ထွက်လာတာပေါ့။ ဒါကြောင့် အနားကဆရာမဖက် လှည့်ပြီး "ဒါဘယ်လို ဖြစ်ရတာလဲဗျ" လို့မေးလိုက်တယ်။ ဆရာမက လေသံပျော့လေးနဲ့ "ဒါ ကလေးတွေလုပ် တာမဟုတ်ပါဘူးရှင်။ ဒီကမ္ဘာလုံးကြီးက ၀ယ်လာကတည်းက ဒီလိုပဲ စောင်းနေတာပါ"တဲ့ ။ ၀န်ကြီးလည်း ဒေါသ တွေထွက် မျက်နာတွေနီပြီး ကျောင်းအုပ်ဆရာကြီးဖက် လှည့်ကြည့်လိုက်ပါတယ်။ အစအဆုံး အခြေအနေကို သိနေတဲ့ ကျောင်းအုပ်ကြီးလည်း မတတ်သာတော့ပဲ ခါးကလေးညွှတ် အရိုအသေပြုရင်း အခုလိုရှင်းပြလိုက် ပါသ တဲ့ဗျာ...
"၀န်ကြီးခင်ဗျာ၊ ပြောရမှာတော့ ခက်ပါတယ်။ ပွင့်ပွင့်လင်းလင်းတင်ပြရရင် ကျနော်တို့ ကျောင်းကရံပုံငွေ အခက် အခဲရှိနေတာကြောင့် ဈေးချိုတဲ့ လမ်းဘေးဈေးမှာ ၀ယ်ခဲ့မိလို့ တိမ်းစောင်းနေတာပါ" တဲ့ဗျာ...

(သူများဆီက ကူးထားတာပါ။)

Recycle Bin ကိုမှားဖျက်မိခြင်း

Windows Vista သုံးရင် Recycle Bin ကိုဖျက်လို့ရတယ်ဗျ။ ဒါပေမယ့် ဘယ်သူမှတော့ တမင်တကာ ဖျက်ကြမှာ မဟုတ်ဘူးဗျ။ ဒါပေမယ့် မှားဖျက်မိတတ်ပါတယ်။ ဒီလိုဖြစ်သွားရင် Recycle Bin ကိုဘယ်လို ပြန်ခေါ်ကြမလဲ။ . . .

မှားမယ်ဆိုလည်း မှားတတ်တယ်ဗျ။ ဘယ်လိုမှားလဲဆိုတော့ များသောအားဖြင့် Empty Recycle Bin လုပ်တဲ့ အချိန်မှာ Delete ကို သွားနှိပ်မိတတ်တာ။ ဒီလိုလေးဗျာ။

အဲဒီလို Delete ကိုနှိပ်မိရင် ကွန်ပျူတာက ဒီလိုပြန်ပြောတယ်ဗျ။

ဒီမှာလည်းသတိမထားမိသေးဘူး။ Yes ကိုပဲနှိပ်မိတယ်ဆိုရင် Desktop ပေါ်မှာ Recycle Bin လေးမရှိတော့ဘဲ ပျောက်သွားမှာပါ။ ကဲပျောက်တော့လည်း ပြန်ခေါ်ကြတာပေါ့ဗျာ။

Desktop ပေါ်မှာ Right Click နှိပ်ပြီး Personalize ကို တစ်ချက်နှိပ်ပါ။


ဒီလိုပေါ်လာမှာပါ။


ဘယ်ဖက်အပေါ်မှာရှိတဲ့ Change desktop icons ကိုတစ်ချက်နှိပ်။


Recycle Bin မှာ Check လုပ်။


OK ကိုနှိပ်လိုက်ရင် Recycle Bin လေး Desktop ပေါ်မှာ ပြန်ရောက်လာမှာပါ။

နောက်တစ်မျိုးက Start ကိုနှိပ် Control desk.cpl,,@Web လို့ရိုက်၊ Enter နှိပ်။ (မရိုက်ဘဲ Copy Paste လုပ်တာပိုသေချာတယ်။ Space တွေကျန်ခဲ့မှာစိုးလို့)

ဒီကိုတန်းရောက်သွားမှာပါ။ အဲဒီကနေ ဆက်ချတော့ပေါ့ဗျာ။

မှတ်တမ်းတင်ပါတယ်

မကွေးတက္ကသိုလ် CHRD မှ ဦးစီးပြီး Certificate in Computer Studies သင်တန်းကို ၈-၇-၂၀၀၉ နေ့တွင် စတင် ဖွင့်လှစ်ခဲ့ပါတယ်။ ယခုနှစ် သင်တန်းဖြစ်မြောက်ရေးအတွက် အဖက်ဖက်မှ အားသွန်ကြိုးစားပေးကြတဲ့ ကျွန်တော့် လုပ်ဖော်ကိုင်ဖက် အောက်ပါ ဆရာ ဆရာမများအား အထူး ကျေးဇူးတင်ပါကြောင်း ကျွန်တော့် ဘလော့ တွင် မှတ်တမ်းတင်ပါတယ်။

ဦးခိုင်ဝါထန် (နည်းပြ၊ သမိုင်းဌာန)
ဦးကျော်စိုး (လက်ထောက်ကထိက၊ မြန်မာစာဌာန)
ဦးဇော်မင်းထွန်း (နည်းပြ၊ ဥပဒေဌာန)
ဦးသိန်းစိုး (ကထိက၊ ဒသနိကဌာန)
ဒေါက်တာ ပြုံးပြုံးမြင့် (နည်းပြ၊ သတ္တဗေဒဌာန)
ဒေါက်တာ အေးမြဖြူ (နည်းပြ၊ သတ္တဗေဒဌာန)
ဒေါ်သန်းသန်းမော် (နည်းပြ၊ စိတ်ပညာဌာန)
ဒေါ်ပပ၀င်း (လက်ထောက်ကထိက၊ ရုက္ခဗေဒဌာန)
ဒေါ်ချိုချိုသိန်း (လက်ထောက်ကထိက၊ ဒသနိကဌာန)
ဒေါ်ဌေးဌေးဝင်း (လက်ထောက်ကထိက၊ သင်္ချာဌာန)

ထို့ပြင် အနှောင့်အယှက် မပေးသူအပေါင်းကိုလည်း ကျေးဇူးတင်ရှိပါတယ်။

ကျွန်တော်နဲ့ဇူလိုင်လ

ဒီလထဲမှာ အဆင်မပြေတာတွေ တော်တော်များတယ်။

အိမ်မှာခေါ်ထားတဲ့ အမျိုးကလည်းသူ့အမေကပြန်ခေါ်နေလို့ နေပါအုန်းဟ လုပ်ထားရတယ်။ သမီးကြီးကဖျားမနေလိုဖြစ်တာနဲ့ တတ်သလောက် မှတ်သလောက်နဲ့ ဆေးတိုက်၊ သမီးလေးကဖျား၊ တော်သေးတယ် တစ်ရက်ပဲဖျားလို့။ ကိုယ်ကိုယ်တိုင်လည်း ဖျားမလိုဖြစ်တော့ ဆေးသောက်ရ။ H1N1 လက္ခဏာနဲ့ ကိုယ်ဖြစ်တာနဲ့ တိုက်ကြည့်၊ တောင်တွင်းကြီးမှာ H1N1 တစ်ယောက် ထပ်တွေ့တယ်ဆိုတော့ စိတ်တော်တော်ပူသွားတယ်။ ကျွန်တော်တို့နဲ့ တောင်တွင်းကြီးနဲ့ သိပ်မဝေးဘူးဗျ။ ကျောင်းမှာ H1N1 အကြောင်း ဟောပြောပွဲ နောက်အပတ်ထဲမှာ လုပ်မယ်တဲ့။ ဘလော့တွေကလည်း ၀င်မရအောင်ပိတ်ထား။ ကျောင်းဘလော့မှာ ဘာမှမရေးဖြစ်တာတော်တော် ကြာပြီ။ အင်တာနက်သုံးမရ၊ အကြောင်းရှာတော့ proxy ကပြောင်းသွား။ ကျောင်းကဖွင့်တဲ့ CHRD Computer သင်တန်းမှာ သင်တန်းအကူလုပ်တဲ့ ဆရာမကလည်း ဂဂျီဂဂျောင်လုပ်။ Comupter သင်တန်းမှာ မီးကပျက်၊ မီးပျက်တော့ အချိန်အစားပေးရ၊ အချိန်အစားပေးရတော့ စာမေးပွဲနောက်ဆုတ်ရ။ ဂျူတီပတ်ကင်းသမားကလည်း လာပါဦးဆိုလို့ အနားသွားလိုက်တာ လာရစ်နေလို့ စကားများရ။ မှတ်မှတ်ရရ ဇူလိုင်ပါ။

စိတ်လေတယ်

Blog လုပ်နည်းလေးတွေတောင် ပြီးအောင်မရေးရသေးဘူး။ Blog လေးကို ပိတ်သွားပြီ။ ဒီအတိုင်းဝင်လို့ မရတော့ ဘူး။ ရေးထားတဲ့ method ကလည်းအစပိုင်း မဟုတ်တော့ဘူး။ ဘာဆက်လုပ်ရမှန်း မသိတာနဲ့ ဒီအတိုင်း ၂ ရက် လောက်ထားလိုက်တယ်။ ဒီကြားထဲ proxy ပြောင်းသွားလို့ Internet ကသုံးလို့မရဖြစ်သွားပြန်ရော။ proxy ပြောင်းမယ့်အကြောင်း ဘယ်ကမှလည်း အကြောင်းမကြားကြဘူး။ တော်တော်စိတ်လေတယ်။

Blog လုပ်ကြမည်

Blog လေးတစ်ခု လုပ်ကြရအောင်ဗျာ။ ကျွန်တော်က blogspot ကိုသုံးပြီးblog လုပ်ပါတယ်။ ကိုယ့်blogလေးစဖို့ www.blogspot.com ကိုဖွင့်လိုက်ရင်တော့ ပိတ်ထားတာတွေ့ရမှာပါ။ ဒီလိုလေးလေ။

ပိတ်တဲ့သူကလည်း သူ့အကြောင်းနဲ့သူ အကြောင်းရှိလို့ပိတ်တာ ပေါ့ဗျာ။ မဟုတ်ဘူးလား။ blog လုပ်ချင်တဲ့ ကျွန်တော်တို့ကလည်း ကိုယ့်အကြောင်းနဲ့ ကိုယ်ဆိုတော့ ရအောင် လုပ်ကြရတာပေါ့ဗျာ။ ကျွန်တော်ကတော့ ကျော်တာခွတာ လောလောဆယ် မသုံးသေးဘူးဗျ။ နဂိုကမှ connection ကနှေးရတဲ့ကြားထဲ ကျော်ခွနေရရင် ဘာမှ လုပ်လို့ရတော့မှာမဟုတ်ဘူး။ အဲဒီတော့ ပိတ်မထားတဲ့ blog တစ်ခုထဲ အရင်ဝင်ကြရအောင်ဗျာ။ ကျွန်တော့blogက အပိတ်မခံရသေးဘူးဗျ။ အခုချိန်ထိ။ အဲဒီတော့ ကျွန်တော့blogထဲ စ၀င်ကြရအောင်ဗျာ။ kyihtinpaw.blogspot.com ထဲပေါ့ဗျာ။ ပြီးရင် ညာဖက်အပေါ်ထော့င်မှာရှိတဲ့ Create Blog ကိုနှိပ်လိုက်ဗျာ။





အပေါ်မှာရေးထားတဲ့ အတိုင်း ၀င်လည်း မရတော့ပါ။ အကုန်ပိတ်ထားပါပြီ။ အဲဒီတော့ အလွယ်ဆုံးကတော့ proxy ကျော်တဲ့ site တစ်ခုခုကို အရင်ဝင် အဲဒီကနေတဆင့် www.blogspot.com ထဲဝင်လိုက်ပါ။ proxy ကျော်တဲ့ site တွေစာရင်းပြုစုပြီး post တင်ပေးထားပါတယ်။ သုံးကြည့်ပြီး ဘယ် site ကတော့ အဆင်ပြေတယ်၊ ဘယ် site ကတော့ အဆင်မပြေတဲ့ အကြောင်း comment လေးရေးပေးပါဦး ခင်ဗျား။ နောက်လူတွေ အတွက် အဆင်ပြေတာပေါ့ဗျာ။



















က





































က
















ကကက







ကကကကကကကကက












ကကကကကကကက















ကကကကကကက










ကကကက



















ကက










blog တစ်ခုအောင်အောင်မြင်မြင် လုပ်လို့ပြီးသွားပါပြီ။ အားလုံးလည်း အဆင်ပြေလိမ့်မယ်လို့ထင်ပါတယ်။ ကိုယ့်blogထဲမှာ ကိုယ်ရေးချင်တာတွေ ရေးရင်း အများအတွက် အကျိုးရှိမယ့် အကြောင်းအရာလေးတွေ ကိုလည်း မျှဝေပေးနိုင်ပါစေလို့ ဆုတောင်းပေးလိုက်ပါတယ်။

Blog နှင့် ကျွန်တော့်အမြင်

ကျွန်တော် Blog တစ်ခု စလုပ်ဖြစ်သွားတယ်ပေါ့ဗျာ။ ဘယ်လိုလုပ်ပြီးစ လုပ်ဖြစ်သွားသလဲဆိုတော့ ...


အဓိကက ကျွန်တော့်မိသားစုနဲ့ မိတ်ဆွေတွေကြောင့်ပဲဗျ။ ကျွန်တော့်မှာ မိသားစုလို့ပြောရင် ခွဲပြောရတယ်။ ကျွန်တော့်အဖေ၊ အမေ၊ ညီမတွေနဲ့ မိသားစုလား။ ကျွန်တော့်မိန်းမ၊ သမီးတွေနဲ့မိသားစုလား ဆိုတာကိုပါ။ ကျွန်တော်က အိမ်ထောင်ကျကတည်းက အိမ်နဲ့ခွဲပြီး သပ်သပ်နေခဲ့တာပါ။ မိသားစုလို့ပြောရင် ဘယ်မိသားစုလည်း ဆိုတာ ကိုယ့်ဟာကိုရှုပ်နေလို့ ခွဲခွဲပြောတာပါ။ အဖေ နဲ့ ညီမတစ်ယောက်က ရန်ကုန်မှာ၊ အမေ နဲ့နောက် ညီမတစ်ယောက်က နတ်တလင်းမှာ၊ ကျွန်တော်က မကွေးမှာ၊ အဲဒီလိုတကွဲစီပါ။ မိတ်ဆွေတွေကရန်ကုန်မှာ ပေါ့ဗျာ။ ကျွန်တော်ရန်ကုန်ကနေ ပြောင်းခဲ့တုန်းက သမီးကတစ်တယောက်ပဲ ရှိသေးတယ်။ သမီးငယ်က မကွေးရောက်မှမွေးတာဗျ။ သမီးကြီးကိုသူ့အဒေါ်တွေက တော်တော်ချစ်ကြတယ်။ မကွေးရောက်ပြီးတော့ သမီးကြီး ဘယ်လိုပုံဖြစ်နေပြီလဲ။ ဓါတ်ပုံပို့ပါဦးဆိုပြီး ရန်ကုန်ကညီမတွေက ခဏခဏ ပြောကြတာနဲ့ပဲ ဓါတ်ပုံတော့မပို့တော့ဘူး။ အင်တာနက်မှာ Blog လေးလုပ်လိုက်မယ်။ အင်တာနက်ကနေ့ပဲ ကြည့်ကြလို့ပြန်ပြောလိုက်ရင်း စလိုက်တာပါ။ သူတို့လည်း အင်တာနက်နဲ့ ရင်းနှီးစေချင်တာလည်း ပါပါတယ်။

Blog လုပ်ရအောင် ပထမဦးဆုံးစပြောတဲ့သူကတော့ ရန်ကုန်မှာတုန်းက သူငယ်ချင်း ထွန်ထွန်းဦးပါ။ အဲဒီအချိန် Windows Vista စထွက်ခါစ၊ တော်တော်ခက်ခက်ခဲခဲတင်ရတဲ့အချိန်ပါ။ အဲဒီအကြောင်းရေးကြရအောင်ဆိုပြီး သူက Blog လုပ်ခိုင်းတာဗျ။ မလုပ်ဖြစ်ခဲ့ပါဘူး။ မကွေးရောက်မှပဲ စဖြစ်တော့တယ်။

ကျွန်တော့ ဆရာကြီးတစ်ယောက်က ပြောတယ်။ ကြည့်လည်းလုပ်နော်၊ Blogger တွေကိုသိပ်ကြည်တာ မဟုတ်ဘူးတဲ့။ ကျွန်တော်ကတော့ ပြန်ပြောပြလိုက်ပါတယ်။ ကျွန်တော်က နာမည်အရင်းနဲ့လုပ်တာပါ။ ကျွန်တော့်အကြောင်း မိသားစုတွေသိရအောင်အဓိကပါ လို့။

သူငယ်ချင်းတစ်ယောက်ကလည်းမေးပါတယ်။ Blog နဲ့ နိုင်ငံရေး ဘယ်လိုပတ်သက်လဲတဲ့။ ကျွန်တော်လည်း ကျွန်တော်ခံယူထားတဲ့အတိုင်း ပြန်ရှင်းပေးလိုက်ပါတယ်။ ဂျာနယ်ကိုနမူနာပေးလိုက်ပါတယ်။ ဂျာနယ်မှာ အချစ်အကြောင်းရေးရင် အချစ်ဂျာနယ်၊ ရုပ်ရှင်အကြောင်းရေးရင် ရုပ်ရှင်ဂျာနယ်၊ နိုင်ငံရေးအကြောင်းရေးရင် နိုင်ငံရေးဂျာနယ်ပေါ့ဗျာ။ အဲဒီတော့ ခင်ဗျား Blog မှာဘာရေးမှာလည်း၊ နိုင်ငံရေးရေးရင်တော့ နိုင်ငံရေးBlog ဖြစ်သွားမှာပေါ့လို့ပါ။ Blog နဲ့နိုင်ငံရေးဆက်စပ်မှု ကင်းရှင်းပါတယ်လို့။

ဒါတွေကတော့ ကျွန်တော်Blog ဘာလို့စလုပ်ဖြစ်သလဲနဲ့ Blog နဲ့ပတ်သက်ပြီး ကျွန်တော့်ရဲ့ ခံယူချက်တွေပါ။

GTalk ၀င်မရ

မနေ့က ၄-၇-၂၀၀၉ ကစပြီး GTalk ၀င်မရ ဖြစ်နေပါတယ်။ GMail ကတော့ Freedom သုံးပြီးဝင်ဝင် www.ctunnel.com ကနေပဲတဆင့် ၀င်ဝင် ရနေသေးတယ်။ ဒီအတိုင်းဝင်ရင်တော့ မရဘူးဗျ။ ဘာဖြစ်လို့လည်းတော့မသိဘူး။ GTalk လေးကဆက်သွယ်ရေး တော်တော်အဆင်ပြေတယ်ဗျာ။ ။ Talk တော့မ မTalk ဖြစ်ပါဘူး။ အကြောင်းရှိရင် Chat ပဲသုံးတာများတယ်။ တခုတလော နာမည်ကြီးနေတဲ့ H1N1 များမိသွားလို့လားမသိဘူး။ GTalk မြန်မြန်ပြန်ရပါစေကြောင်း ဆုမွန်ကောင်းတောင်းပေးလိုက်ပါတယ်။

ဆက်မဖတ်နိုင်တော့ခြင်း

တစ်ပတ်လောက်ရှိပြီ။ ကျွန်တော့်blogမှာ error လာတက်နေတယ်။ ဆက်ဖတ်မယ်ဆိုတာကိုနှိပ်ရင် ဘာအလုပ်မှဆက်မလုပ်ဘဲ ဒီအတိုင်းပဲဖြစ်နေတာလေ။ ကျွန်တော်ပြင်ပါ့မည်။ မေးရမြန်းရ ရှာရဖွေရ ဖတ်ရပါဦးမည်။ လာဖတ်သူတွေ စိတ်အနှောက်အယှက်ဖြစ်မှာစိုးပါသောကြောင့် ဒီpostတင်ရခြင်း ဖြစ်ပါသည်။

H1N1 ကပ်ဆိုက်လျင် အပိုင်း(၂)

H1N1 လူမမာတစ်ယောက် ထပ်တွေ့တဲ့သတင်း ကြားလိုက်ရပါတယ်။ အားလုံး သတိရှိကြဖို့ နှိုးဆော်လိုပါတယ်။ တုပ်ကွေးရဲ့သဘောက ကူးစက်ဖို့ အင်မတန် လွယ်ကူပါတယ်။ ဖြစ်ရင် သေတာတွေလည်း တွေ့နေရပါပြီ။ ဘယ် လောက်ရာခိုင်နှုန်း သေနေပြီဆိုတာတော့ ကျွန်တော် မသိသေးပါဘူး။ ရာခိုင်နှုန်း များလာရင် မတွေးဝံ့စရာပါပဲ။ ကူးဖို့ကလည်းလွယ် ဖြစ်ရင်လည်းသေတဲ့ ရာခိုင်နှုန်းကများဆိုရင်တော့ ...
ကျွန်တော်ဘာဆက်ရေးရမလဲခင်ဗျား။

H1N1 ကပ်ဆိုက်လျင်

H1N1 ကပ်အသွင်ဆိုက်ရောက်လာပါက မည်သို့မည်ပုံ ကာကွယ် ပြင်ဆင်သင့်ကြောင်း UNICEF ကထုတ်ဝေထားတဲ့ လက်ကမ်း
စာစောင်လေးကို မူရင်းအတိုင်းဖော်ပြပေးလိုက်ပါတယ်။

(၁)
အရေးပေါ်အခြေအနေအတွက်ပြင်ဆင်ခြင်း
ကပ်ရောဂါအသွင်တုပ်ကွေးဖြစ်ပွားလာခဲ့ပါက မိသားစုအတွက် ရှစ်ပတ်စာကြိုတင်ပြင်ဆင်ပါ။

(၂)
























-၃-
























-၄-
























-၅-
























-၆-
























-၇-























-၈-
























-၉-
























-၁၀-























-၁၁-
























-၁၂-